Arvind Kejriwal
India
അഞ്ച് തവണ നോട്ടീസ് നല്കിയിട്ടും ഹാജരായില്ല; കെജ്രിവാളിനെതിരേ ഇഡി കോടതിയിൽ
ഐപിസിയുടെ 174, കള്ളപ്പണം വെളുപ്പിക്കല് നിരോധന നിയമത്തിന്റെ 50-ാം വകുപ്പുകള് പ്രകാരമാണ് ഹര്ജി
ന്യൂഡൽഹി: മദ്യനയ അഴിമതി കേസിൽ തുടർച്ചയായി 5 തവണ നോട്ടീസ് നൽകിയിട്ടും ഹജരാവാത്ത ഡൽഹി മുഖ്യമന്ത്രി അരവിന്ദ കെജ്രിവാളിനെതിരേ ഇഡി കോടതിയെ സമീപിച്ചു. ഡൽഹി റോസ് അവന്യു കോടതിയിലാണ് ഇഡി ഹർജി ഫയൽ ചെയ്തത്. ഐപിസിയുടെ 174, കള്ളപ്പണം വെളുപ്പിക്കല് നിരോധന നിയമത്തിന്റെ 50-ാം വകുപ്പുകള് പ്രകാരമാണ് ഹര്ജി.
മുൻപ് നവംബർ 2, ഡിസംബർ 21, ജനുവരി 3, 18, ഫെബ്രുവരി 2 എന്നീ തീയതികളിൽ ഹാജരാവാനാണ് ആവശ്യപ്പെട്ടിരുന്നത്. എന്നാൽ തന്നെ അറസ്റ്റ് ചെയ്യാനുള്ള നിയമവിരുദ്ധമായ നീക്കങ്ങളെന്ന് ആരോപിച്ച് കെജ്രിവാൾ 5 നോട്ടീസുകളും തള്ളിക്കളയുകയായിരുന്നു.