5 സംസ്ഥാനങ്ങളിൽ നവംബർ 7 മുതൽ വോട്ടെടുപ്പ്, ഡിസംബർ 3ന് ഫലപ്രഖ്യാപനം

അഞ്ച് സംസ്ഥാനങ്ങളിലേക്കുള്ള നിയമസഭാ തെരഞ്ഞെടുപ്പ് തീയതി മുഖ്യ തെരഞ്ഞെടുപ്പ് കമ്മീഷണർ രാജീവ് കുമാർ പ്രഖ്യാപിച്ചു. നവംബർ ഏഴ് മുതൽ മുപ്പത് വരെയാണ് വിവിധ സംസ്ഥാനങ്ങളിലായി തെരഞ്ഞെടുപ്പ് നടക്കുന്നത്. ഡിസംബർ മൂന്നിന് എല്ലായിടത്തെയും വോട്ടെണ്ണലും ഫലപ്രഖ്യാപനവും.

അഞ്ച് സംസ്ഥാനങ്ങളിൽ നക്സൽ ബാധിതമായ ഛത്തിസ്‌ഗഡിൽ മാത്രമാണ് രണ്ടു ഘട്ടങ്ങളായി തെരഞ്ഞെടുപ്പ് നടത്തുന്നത്, നവംബർ 7, 17 തീയതികളിൽ. മധ്യപ്രദേശ്, രാജസ്ഥാൻ, തെലങ്കാന, മിസോറം എന്നിവിടങ്ങളിൽ ഒറ്റ ഘട്ടത്തിൽ പോളിങ് പൂർത്തിയാക്കും.

തെരഞ്ഞെടുപ്പ് തീയതികൾ:

1. രാജസ്ഥാൻ - നവംബർ 23

2. മധ്യപ്രദേശ് - നവംബർ 17

3. തെലങ്കാന - നവംബർ 30

4. മിസോറം - നവംബർ 7

5. ഛത്തിസ്‌ഗഡ് - നവംബർ 7, 17

വോട്ടെണ്ണൽ - ഡിസംബർ 3

രാജസ്ഥാനിൽ നവംബർ 23ന് ഒറ്റ ഘട്ടമായി പോളിങ്

ഒറ്റ ഘട്ടമായി പോളിങ് പൂർത്തിയാക്കും

തെലങ്കാനയിലും ഒറ്റ ഘട്ടമായി വോട്ടെടുപ്പ്

മിസോറമിലും ഒരു ഘട്ടത്തിൽ പോളിങ്

നക്സൽ ബാധിത സംസ്ഥാനമായ ഛത്തിസ്‌ഗഡിൽ മാത്രം രണ്ടു ഘട്ടങ്ങളിലായാണ് പോളിങ് പൂർത്തിയാക്കുക.

അഞ്ച് സംസ്ഥാനങ്ങളിലും വോട്ടെണ്ണൽ ഡിസംബർ മൂന്നിന്, ഒരുമിച്ച്.

അഞ്ച് സംസ്ഥാനങ്ങളിലായി 177 ലക്ഷം പോളിങ് സ്റ്റേഷനുകളുണ്ടാകും.

അഞ്ച് സംസ്ഥാനങ്ങളിലായി പതിനാറ് ലക്ഷം പുതിയ വോട്ടർമാർ എൻറോൾ ചെയ്തിട്ടുണ്ടെന്ന് മുഖ്യ തെരഞ്ഞെടുപ്പ് കമ്മീഷണർ രാജീവ് കുമാർ അറിയിച്ചു.

ലോക്‌സഭാ തെരഞ്ഞെടുപ്പ് അടുത്ത വര്‍ഷം നടക്കാനിരിക്കുന്നതിനാൽ 5 സംസ്ഥാനങ്ങളിലെ നിയമസഭ തെരഞ്ഞെടുപ്പ് ബിജെപിക്കും, പ്രതിപക്ഷ പാര്‍ട്ടികള്‍ക്കും നിര്‍ണായകമാണ്.

തെരഞ്ഞെടുപ്പ് നടക്കാനിരിക്കുന്ന സംസ്ഥാനങ്ങളിൽ സന്ദർശനം നടത്തിയ തെരഞ്ഞെടുപ്പ് കമ്മീഷന്‍ ഒരുക്കങ്ങളും സുരക്ഷയും വിലയിരുത്തിയിരുന്നു.

മധ്യപ്രദേശ്, രാജസ്ഥാന്‍, ഛത്തീസ് ഗഡ്, മിസോറം, തെലങ്കാന സംസ്ഥാനങ്ങളിലാണ് ഈ വർഷം തെരഞ്ഞെടുപ്പ് നടക്കാനിരിക്കുന്നത്. നാമനിർദേശ പത്രിക സമർപ്പിക്കൽ, പോളിംഗ് ദിവസങ്ങൾ, ഫലപ്രഖ്യാപനം തുടങ്ങി തെരഞ്ഞെടുപ്പ് പ്രക്രിയയുടെ വിവധ ഘട്ടങ്ങൾ നടക്കാവുന്ന തീയതികൾ പ്രഖ്യാപനത്തിൽ വിശദമാക്കും.