ശ്രീനഗർ: ജമ്മു കശ്മീർ പുൽവാമയിൽ സുരക്ഷാ സേനയും തീവ്രവാദികളും തമ്മിൽ ഏറ്റുമുട്ടൽ. തീവ്രവാദികളുടെ സാന്നിധ്യത്തെക്കുറിച്ചു വിവരം ലഭിച്ചതിനെത്തുടർന്നു സുരക്ഷാസേന പുൽവാമ മിത്രിഗാം പ്രദേശം വളയുകയായിരുന്നു. തുടർന്നു തീവ്രവാദികൾ സേനയ്ക്കു നേരെ വെടിവയ്ക്കുകയായിരുന്നു. 2019-ൽ പുൽവാമ ആക്രമണം നടന്ന അതേ പ്രദേശത്തു തന്നെയാണ് ഏറ്റുമുട്ടൽ എന്നാണു പുറത്തുവരുന്ന റിപ്പോർട്ടുകൾ.
ഫെബ്രുവരി 26-നു പുൽവാമയിൽ തീവ്രവാദികൾ ഒരു കശ്മീരി പണ്ഡിറ്റിനെ വെടിവച്ചു കൊലപ്പെടുത്തിയിരുന്നു. ഗുരുതരമായി പരിക്കേറ്റ സഞ്ജയ് ശർമ്മ എന്ന പണ്ഡിറ്റിനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
