ന്യൂഡൽഹി: ആർട്ടിഫിഷ്യൽ ഇന്‍റലിജൻസ് ഉപയോഗിച്ച് രൺവീർ സിങ്ങിന്‍റെ ഡീപ് ഫേക്ക് വീഡിയോ നിർമിച്ച കേസിൽ എഫ്ഐആർ രജിസ്റ്റർ ചെയ്തു. രൺവീർ സിങ്ങിന്‍റെ വക്താവാണ് ഇക്കാര്യം സ്ഥിരീകരിച്ചത്. രൺവീർ കോൺഗ്രസിനു വേണ്ടി വോട്ടഭ്യർഥിക്കുന്ന വ്യാജ വീഡിയോ സമൂഹമാധ്യമങ്ങളിൽ വൈറലായിരുന്നു. ഇതിനു പിന്നാലെ വീഡിയോ വ്യാജമാണെന്ന് രൺവീർ എക്സിലൂടെ വ്യക്തമാക്കി. രൺവീർ സിങ്ങിന്‍റെ അഭിമുഖത്തിലെ ശബ്ദം മാത്രം വ്യാജമായി കൂട്ടിച്ചേർത്തിരിക്കുകയാണ്.
തൊഴിലില്ലമായ്മ, വിലക്കയറ്റം എന്നിവയെ മുൻനിർത്തി പ്രധാനമന്ത്രി നരേന്ദ്ര മോദിയെ വിമർശിക്കുന്ന വീഡിയോയാണ് വ്യാജമായി നിർമിച്ചിരിക്കുന്നത്. കോൺഗ്രസിനു വോട്ടു ചെയ്യാൻ അഭ്യാർഥിച്ചു കൊണ്ടാണ് വിഡിയോ അവസാനിക്കുന്നത്.
ഇതിനു മുൻപ് ബോളിവുഡ് താരം ആമിർഖാന്‍റെ ഡീപ് ഫേക് വീഡിയോയും വൈറലായി മാറിയിരുന്നു. ആമിർ ഖാന്‍റെ പരാതിയിൽ പൊലീസ് കേസ് ഫയൽ ചെയ്തിട്ടുമുണ്ട്
