ഇംഫാൽ: മണിപ്പൂരിൽ വീണ്ടും സംഘർഷം. കുക്കി സായുധ സംഘടനകളും മെയ്തെയ് വിഭാഗങ്ങൾ തമ്മിൽ നടന്ന സംഘർഷത്തിൽ നാലു പേർ മരിച്ചു. ദാറ സിംഗ്, ഇബോംച സിംഗ്, റോമൻ സിംഗ്, ആനന്ദ് സിംഗ് എന്നിവരാണ് കൊല്ലപ്പെട്ടത്.
ബിഷ്ണുപുർ-ചുരാചന്ദ്പുർ അതിർത്തി വനമേഖലയിലാണ് സംഘർഷമുണ്ടായത്. വിറക് ശേഖരിക്കാനായി വനാതിർത്തിയിലേക്ക് പോയ നാലുപേരെ ഇന്നലെ കാണാതായിരുന്നു. ഇവരെ സായുധ സംഘടനകൾ തട്ടിക്കൊണ്ടുപോയി എന്ന നിഗമനത്തിൽ പൊലീസും കേന്ദ്ര സേനയും തിരച്ചിൽ നടത്തിയിരുന്നു. തുടർന്ന് ഇവരെ കൊല്ലപ്പെട്ട നിലയിൽ കണ്ടെത്തുകയായിരുന്നു.
