ഡൽഹിയിൽ കനത്ത മഴ; റെഡ് അലർട്ട്, വിമാന സർവീസുകൾ താളം തെറ്റി

ബുധനാഴ്ച വൈകുന്നേരം മുതലാരംഭിച്ച മഴയിൽ റോഡുകൾ പുഴ പോലെയായി
heavy rain red alert in delhi
ഡൽഹിയിൽ കനത്തമഴ
Updated on

ന്യൂഡൽഹി: ഡൽഹിയിൽ കനത്തമഴ. നിരവധി പ്രദേശങ്ങൾ വെള്ളത്തിനടിയിലായി. ബുധനാഴ്ച വൈകുന്നേരം മുതലാരംഭിച്ച മഴയിൽ റോഡുകൾ പുഴ പോലെയായി. വലിയ ഗതാഗതക്കുരുക്കാണ് അനുഭവപ്പെട്ടത്.

റെഡ് അലർട്ടാണ് പ്രഖ്യാപിച്ചിരിക്കുന്നത്. ഓഗസ്റ്റ് അഞ്ചുവരെ മഴ തുടരും. തീവ്രമഴയ്ക്ക് സാധ്യതയുള്ളതിനാൽ ഇന്ന് എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്.

വിമാന സർവീസുകളും തടസപ്പെട്ടു. മണിക്കൂറുകൾ വൈകിയാണ് വിവിധ എയർലൈനുകൾ സർവീസ് നടത്തിയത്. കഴിഞ്ഞ ദിവസം രാത്രി പത്തു വിമാനങ്ങളാണ് തിരിച്ചുവിട്ടത്. ഉദ്യോഗസ്ഥരോട് ജാഗ്രത പാലിക്കാൻ ഡൽഹി ഗവർണർ വിനയ് സക്സേന നിർദേശം നൽകി.

Trending

No stories found.

Latest News

No stories found.