![Rahul Gandhi|Himanta Biswa Sarma](http://media.assettype.com/metrovaartha%2F2024-01%2Fcdd26cb1-9614-4a8b-91e8-eb50df0feec4%2FUntitled_1.jpg?w=480&auto=format%2Ccompress&fit=max)
ന്യൂഡൽഹി: കോൺഗ്രസ് നേതാവ് രാഹുൽ ഗാന്ധിയുടെ ഭാരത് ജോഡോ ന്യായ് യാത്രയെ പരിഹസിച്ച് അസം മുഖ്യമന്ത്രി ഹിമന്ത വിശ്വ ശർമ. ടൂറിസ്റ്റുകളെ ഒരിക്കലും തടയാറില്ലെന്ന് പറഞ്ഞ മന്ത്രി അസം സർക്കാർ യാത്രയ്ക്ക് അനുമതി നിഷേധിക്കുന്നെന്ന കോൺഗ്രസിന്റെ ആരോപണത്തെ തള്ളിക്കളഞ്ഞു.
യാത്രക്കായി കോൺഗ്രസ് ഇനിയും അനുമതി തേടിയിട്ടില്ലെന്നും അസം സർക്കാർ വ്യക്തമാക്കി. ഹൈവേ വഴി യാത്ര നടത്താമെന്നും ഗുവഹത്തി നഗരപരിധിയിൽ രാവിലെ 8 മണിക്ക് മുൻപ് നടത്തണം, കൂടാതെ അധ്യയന ദിവസം വിദ്യാഭ്യാസ സ്ഥാപനങ്ങളുടെ ഗ്രൗണ്ട് വിട്ടുനൽകുന്നതിൽ ബുദ്ധിമുട്ടുണ്ടെന്നും മുഖ്യമന്ത്രി വ്യക്തമാക്കി.