ഇംഫാൽ: സംഘർഷം പടർ‌ന്നു പിടിക്കുന്ന മണിപ്പൂരിൽ പരിശോധന വ്യാപകമാക്കി പൊലീസ്. വിവിധ ജില്ലകളിൽ വീണ്ടും സംഘർഷങ്ങളുണ്ടായതിനു പിന്നാലെ നടത്തിയ പരിശോധനയിൽ 7 അനധികൃത ബങ്കറുകൾ തകർത്തു. അതേ സമയം ഇംഫാലിൽ കർഫ്യുവിന് ഇളവു നൽകിയതായി സർക്കാർ അറിയിച്ചു. ഏഴു മണിക്കൂറാണ് ഇളവു നൽകിയിരിക്കുന്നത്.
ബിഷ്ണുപുരിലെ കാങ്വായ്, ഫോഗാക്ചോ മേഖലകളിൽ സംഘർഷം കടുത്തതിനെത്തുടർന്ന് സൈന്യവും ആർഎഎഫും കണ്ണീർവാതകം പ്രയോഗിച്ചു. സംഘർഷത്തിൽ 25 പേർക്ക് പരിക്കേറ്റിട്ടുണ്ട്.
