ന്യൂഡൽഹി: ഉത്തരേന്ത്യൻ സംസ്ഥാനങ്ങളിൽ അതിശക്തമായ മഴ തുടരുകയാണ്. വരും ദിവസങ്ങളിലും മഴ തുടരുമെന്നാണ് കാലാവസ്ഥാ വകുപ്പ് അറിയിക്കുന്നത്. ഇതിനോടകം തന്നെ ഒട്ടേറെ നഗരങ്ങളും റോഡുകളും വെള്ളത്തിനടിയിലാണ്.
ഡൽഹിയൽ യമുനാ നദിയിലെ ജലനിരപ്പ് അപകടനില കടന്നു. ഡൽഹിയിൽ ഏത് സാഹചര്യം നേരിടാൻ സർക്കാർ തയാറാകണമെന്നു മുന്നറിയിപ്പ് നൽകിയിട്ടുണ്ട്. ഇന്ന് എല്ലാ സ്കൂളുകൾക്കും അവധി പ്രഖ്യാപിച്ചിരിക്കുകയാണ്.
അതേസമയം ഹരിയാനയിലെ അംബാലയിലുള്ള ചമൻ വാടിക കന്യാസ്കൂളിൽ 750 ഓളം കുട്ടികൾ കുടുങ്ങിക്കിടക്കുകയാണ്. ഇവരെ രക്ഷിക്കാനുള്ള പ്രവർത്തനങ്ങൾ ആരംഭിച്ചു. സിരക്പൂരിലേക്ക് കരസേന പുറപ്പെട്ടിട്ടുണ്ടെന്നാണ് പുറത്തുവരുന്ന വിവരം. കനത്ത മഴ തുടരുന്നതിനാൽ ഡൽഹിയിൽ നിന്ന് അംബാലയിലേക്കുള്ള 24 ട്രെയിനുകൾ റദ്ദാക്കി. പ്രളയം തുടരുന്ന സാഹചര്യം കണക്കിലെടുത്ത് പഞ്ചാബിലെ സ്കൂളുകൾ 13 വരെ അടച്ചിടാൻ തീരുമാനിച്ചു.
