മുംബൈ: റിസർവ് ബാങ്ക് ഗവർണറുടെ ഡീപ് ഫേക് വീഡിയോ സമൂഹമാധ്യമങ്ങളിലൂടെ പ്രചരിക്കുന്നു. സാമ്പത്തിക ഉപദേശം നൽകിക്കൊണ്ടുള്ള ഈ വീഡിയോ വ്യാജമാണെന്നും ജാഗ്രക പാലിക്കണമെന്നും റിസർവ് ബാങ്ക് ഓഫ് ഇന്ത്യ മുന്നറിയിപ്പ് നൽകി. ആർ ബിഐയുടെ ചില നിക്ഷേപ സ്കീമുകൾ ലോഞ്ച് ചെയ്യുന്നുവെന്നും പിന്തുണയ്ക്കുന്നുവെന്നുമെല്ലാം അവകാശപ്പെട്ടു കൊണ്ടുള്ള വീഡിയോയാണ് പ്രചരിക്കുന്നത്.
സാങ്കേതിക വിദ്യകൾ ഉപയോഗിച്ച് ഈ സ്കീമുകളിൽ പണം നിക്ഷേപിക്കാനുള്ള ഉപദേശമാണ് വീഡിയോകളിലുള്ളത്. ആർബിഐ ഉന്നത ഉദ്യോഗസ്ഥരുമായി ഈ വീഡിയോകൾക്ക് യാതൊരു ബന്ധവുമില്ലെന്ന് ആർബിഐ വ്യക്തമാക്കി.
സാമ്പത്തിക നിക്ഷേപവുമായി ബന്ധപ്പെട്ട് യാതൊരു ഉപദേശവും ആർബിഐ നൽകില്ലെന്നും വ്യക്തമാക്കിയിട്ടുണ്ട്.
