ലഖ്നൗ: തമിഴ്നാട്ടിൽ നിന്നും അയോധ്യയിലേക്ക് കരിമരുന്നുമായി പോയ ട്രക്കിന് തീപിടച്ചു. ഉന്നാവ് പൂർവ കോട്‌വാലിയിലെ ഖാർഗി ഖേഡ ഗ്രാമത്തിൽവെച്ചാണ് അപകടമുണ്ടായത്. തീപിടുത്തത്തിന്‍റെ കാരണം വ്യക്തമല്ല.
ഉത്തർപ്രദേശിലെത്തിയ വാഹനത്തിന് ചെവ്വാഴ്ച രാത്രിയാണ് തീപിടിച്ചത്. ട്രക്കിൽ മൊത്തത്തിൽ തീപടർന്നിരിക്കുന്നതും പടക്കങ്ങൾ പൊട്ടുന്നതും കാണാം. മൂന്ന് മണിക്കൂറിലേറെ നേരമെടുത്താണ് തീകെടുത്താൻ സാധിച്ചതെന്ന് അധികൃതർ അറിയിച്ചു. അപകടത്തിൽ ആർക്കും പരുക്കേറ്റിട്ടില്ല.
