തിരുവനന്തപുരം: കേരള സർക്കാർ സ്ഥാപനമായ ഒഡെപെക് മുഖേന യുഎഇ യിലെ പ്രശസ്തമായ കമ്പനിയിലേക്കുള്ള 200 സെക്യൂരിറ്റി ഗാർഡുമാരുടെ വാക് ഇൻ ഇന്‍റർവ്യൂ നവംബർ 5 , 6 തീയതികളിൽ അങ്കമാലിയിൽ നടക്കും.
അനുയോജ്യരായ പുരുഷൻമാർക്കാണ് അവസരം. ഇംഗ്ലീഷ് ഭാഷ എഴുതാനും, വായിക്കാനും, സംസാരിക്കാനുള്ള പരിജ്ഞാനവും, എസ്എസ്എൽസി യോഗ്യതയും, 175 സെന്‍റി മീറ്റർ പൊക്കവും നല്ല ആരോഗ്യവും ഉള്ളവരാകണം അപേക്ഷകർ. സുരക്ഷയ്ക്കും പൊതു സുരക്ഷയ്ക്കുമുള്ള നിയമ മാർഗ്ഗനിർദ്ദേശത്തെക്കുറിച്ച് ധാരണയുള്ളവരും, ആർമി /പൊലീസ് /സെക്യൂരിറ്റി ജോലിയിൽ 2 വർഷത്തിൽ കുറയാത്ത പരിചയവും ഉള്ളവരുമായ അപേക്ഷകരുടെ പ്രായം-25-40.
ശമ്പളം -എഇഡി 2262. ഈ റിക്രൂട്ട്മെന്‍റിനു സർക്കാർ അംഗീകൃത സർവീസ് ചാർജ് ബാധകമാണ്. താൽപര്യമുള്ള ഉദ്യോഗാർഥികൾ അവരുടെ വിശദമായ ബയോഡാറ്റ (ഫോട്ടോ പതിച്ചത്), പാസ്പോർട്ട്, വിദ്യാഭ്യാസം, തൊഴിൽപരിചയം എന്നിവയുടെ പകർപ്പുകൾ സഹിതം നവംബർ മാസം 5 , 6 തീയതികളിൽ അങ്കമാലി ഇൻകെൽ ടവർ 1 ലുള്ള ഒഡെപെക്കിന്‍റെ ഓഫീസിൽ രാവിലെ 9 മണി മുതൽ നടക്കുന്ന ഇന്‍റർവ്യൂവിൽ പങ്കെടുക്കണം.
വിശദവിവരങ്ങൾക്ക് ഒഡെപെകിന്‍റെ www.odepc.kerala.gov.in വെബ്സൈറ്റ് സന്ദർശിക്കുക. ഫോൺ :0471-2329440/41/42 /7736496574/9778620460.
