ഷാർജ: ഷിജി ഗിരി എഴുതിയ നോവൽ 'പെരുമഴയിലെ ഒറ്റ മഴത്തുള്ളി' ഷാർജ രാജ്യാന്തര പുസ്തക മേളയിൽ പ്രകാശനം ചെയ്തു. പ്രമുഖ മാധ്യമപ്രവർത്തകൻ കെ.പി.കെ. വേങ്ങര പുസ്തക പ്രകാശനം നടത്തി. ഷിജി ഗിരിയുടെ ഭർത്താവ് ഗിരീഷ് ദേവദാസ് പുസ്തകം ഏറ്റുവാങ്ങി. എഴുത്തുകാരനായ പ്രവീൺ പാലക്കീൽ പുസ്തക പരിചയം നടത്തി.
ഗീതാമോഹൻ, ബഷീർ തിക്കോടി പ്രവാസി വയനാട് ചെയർമാൻ സുനീർ ഉസ്മാൻ, സത്യൻ ആർട്ട് എന്നിവർ പ്രസംഗിച്ചു. ചിരന്തന പ്രസിഡന്‍റ് പുന്നക്കൻ മുഹമ്മദലി മോഡറേറ്റർ ആയിരുന്നു. ചിരന്തന പബ്ളിക്കേഷൻ ആണ് പുസ്തകത്തിന്‍റെ പ്രസാധകർ.
