ഐക്യരാഷ്ട്ര സഭയുടെ ഇസ്രയേൽ വിരുദ്ധ നിലപാടുകളെ ശക്തമായി വിമർശിച്ച് വൈറ്റ് ഹൗസ് ബുള്ളറ്റിൻ പൊളിറ്റിക്കോ. നസറുള്ളയുടെ വധത്തെ തുടർന്ന് ഹിസ്ബുള്ള നേതൃത്വം ഇല്ലാതായതോടെ ഭീകരർ ഇല്ലാതാക്കിയ സമാധാനവും സമൃദ്ധിയും ലബനന് തിരിച്ചു പിടിക്കാനാകും എന്ന പ്രത്യാശയും പൊളിറ്റിക്കോ പങ്കു വയ്ക്കുന്നു.
ഒരു കാലത്ത് സമൃദ്ധിയുടെ വിളനിലമായിരുന്ന ലബനൻ ഹിസ്ബുള്ളയുടെ ഭരണത്തിൻ കീഴിൽ പരാജയപ്പെട്ട രാജ്യമായി മാറി. എന്നാൽ, നസ്‌റല്ലയും ഹിസ്ബുള്ളയുടെ നേതൃത്വവും ഇപ്പോൾ ഇല്ലാതായതോടെ, ലെബനൻ സർക്കാരിനും സൈന്യത്തിനും നിയന്ത്രണം പുനഃസ്ഥാപിക്കാനും പ്രവർത്തനക്ഷമമായ ഒരു സംസ്ഥാനം പുനർനിർമ്മിക്കാനും അവസരമുണ്ട്. ലബനനിലെ ജനങ്ങളുടെ പ്രയോജനം മുൻനിർത്തിയുള്ള പദ്ധതികൾ നടപ്പിലാക്കിയാൽ ഇപ്പോൾ ലബനന് തങ്ങളുടെ നഷ്ടപ്പെട്ട സ്വതന്ത്രരാജ്യവും സമ്പത് സമൃദ്ധിയും തിരികെ കിട്ടുമെന്നും ഇതിൽ പറയുന്നു.
ജർമനിയും ബെൽജിയവും നാളിതു വരെ മിഡിൽ ഈസ്റ്റിലെ ഇറാന്‍റെ ആക്രമണോത്സുക നയത്തെ അംഗീകരിച്ചിരുന്നില്ല. പതിറ്റാണ്ടുകളായി യൂറോപ്പിൽ തടസമില്ലാതെ പ്രവർത്തിക്കാൻ കഴിഞ്ഞ ഹമാസ്, ഹിസ്ബുള്ള തുടങ്ങിയ ഭീകര സംഘടനകളെ ഇറാൻ പിന്തുണയ്ക്കുകയാണെന്നു വിശ്വസിക്കാനും അവർ തയാറായിരുന്നില്ല. എന്നാൽ, ഇപ്പോൾ, ഇറാൻ ഭരണകൂടത്തിന്‍റെ പ്രവർത്തനങ്ങൾ യൂറോപ്പ് ഉൾപ്പെടെ - ആഗോള ഭീഷണി ഉയർത്തുന്നുവെന്ന് സംഘത്തിന്‍റെ നയരൂപകർത്താക്കൾക്ക് പതുക്കെ മനസിലായിത്തുടങ്ങി. ഇപ്പോഴാണ് ഇറാനെന്ന ഇസ്‌ലാമിക് റിപ്പബ്ലിക് ഭരണകൂട ഭീകരതയാണ് നടപ്പാക്കുന്നത് എന്ന് പണ്ടേ വ്യക്തമാകേണ്ടതായിരുന്നു എന്ന് അവർ ചിന്തിക്കുന്നത്.
ജിഹാദിസത്തിനെതിരായ പോരാട്ടത്തിൽ ഇത്തരത്തിലൊരു ഇസ്‌ലാമിക് റിപ്പബ്ലിക് ഭരണകൂടത്തിന് പങ്കാളിയാകാൻ കഴിയില്ല - എല്ലാത്തിനുമുപരി, റഷ്യക്ക് മിസൈലുകളും ഡ്രോണുകളും വിൽക്കുകയും ഹിസ്ബുള്ളയെയും ഹമാസിനെയും ഹൂതികളെയും ആയുധമാക്കുകയും ചെയ്യുന്ന ഇവർ ലോകത്ത് ആർക്കും സ്ഥിരതയ്ക്കും സുരക്ഷയ്ക്കും ഉറപ്പുനൽകുന്നില്ല.
എന്നിട്ടും, ജൂത സ്ഥാപനങ്ങൾക്കും ഇസ്രായേലി എംബസികൾക്കും യൂറോപ്യൻ ലക്ഷ്യങ്ങൾക്കും നേരെയുള്ള ഇറാന്‍റെ ആക്രമണശ്രമങ്ങളെ യൂറോപ്യൻ രാഷ്ട്രീയക്കാർ വലിയതോതിൽ അവഗണിക്കുകയും അങ്ങനെ നിസാരമാക്കുകയും ചെയ്തു. 2018 ജൂണിനും 2024 ജൂണിനും ഇടയിൽ യൂറോപ്പിൽ കുറഞ്ഞത് 11 ആക്രമണശ്രമങ്ങൾക്ക് ഇറാനിയൻ റെവല്യൂഷണറി ഗാർഡ് കോർപ്‌സ് (IRGC) ഉത്തരവാദികളായിരുന്നു, ഇത് ഇസ്രായേലിനോടും പടിഞ്ഞാറിനോടും ഉള്ള പോരാട്ടത്തിൽ യൂറോപ്പിനെ ഒരു യുദ്ധക്കളമായാണ് ടെഹ്‌റാൻ കാണുന്നതെന്ന് വ്യക്തമാക്കുന്നു.
എന്നിട്ടും തെഹ്‌റാനിലേക്കുള്ള യൂറോപ്യൻ മുന്നറിയിപ്പുകൾ പലപ്പോഴും അകം പൊള്ളയായ ബലൂണുകൾ പോലെയാണ്. യൂറോപ്യൻ യൂണിയന്‍റെ ഈ നിശ്ചയദാർഢ്യമില്ലാത്ത സമീപനം മാത്രമല്ല, തെറ്റായ കാഴ്ചപ്പാടും ഇറാനെക്കുറിച്ചുള്ള യൂറോപ്യൻ യൂണിയന്‍റെ നയത്തിന്‍റെ സവിശേഷതയാണ്-പൊളിറ്റിക്കോ കുറിക്കുന്നു.
ഇറാനോടുള്ള യൂറോപ്യൻ യൂണിയന്‍റെ ഇന്നു വരെയുള്ള നയം ഫലപ്രദമല്ലാത്തതും ലോകത്തിന് മുഴുവൻ ഗുരുതരമായ പിഴവുണ്ടാക്കുന്നതുമാണ് എന്ന് തെളിവുകൾ സഹിതം പൊളിറ്റിക്കോ എഴുതുന്നു.
യൂറോപ്യൻ യൂണിയൻ വിദേശകാര്യ പ്രതിനിധി ജോസെപ് ബോറെൽ ഇറാനെ സന്തോഷിപ്പിക്കാൻ(അതോ ഭീകരരെ മുഴുവനുമോ?) ഉടൻ ഓഫീസ് വിടാൻ പോകുന്ന - തന്‍റെ യൂറോപ്യൻ എക്‌സ്റ്റേണൽ ആക്ഷൻ സർവീസിന്‍റെ മുതിർന്ന പ്രതിനിധിയെ പുതിയ ഇറാനിയൻ പ്രസിഡന്‍റിന്‍റെ സ്ഥാനാരോഹണത്തിൽ പങ്കെടുക്കാൻ ടെഹ്‌റാനിലേക്ക് അയച്ചത് ഗുരുതരമായ പിഴവായി പൊളിറ്റിക്കോ എടുത്തു കാട്ടുന്നു.ലോക സമാധാനത്തിനും സമൃദ്ധിക്കും വേണ്ടി നില കൊള്ളേണ്ട യുഎൻ പ്രതിനിധി താലിബാന്‍റെയും ഹമാസിന്‍റെയും മറ്റു തീവ്രവാദ ഗ്രൂപ്പുകളുടെയും നേതാക്കൾക്കൊപ്പം ഗ്രൂപ്പ് ഫോട്ടോയ്ക്ക് പോസ് ചെയ്തതിനെയും പൊളിറ്റിക്കോ ലേഖകൻ ശക്തമായി വിമർശി ക്കുന്നുണ്ട്. എന്തായാലും ഇറാന്‍റെ ഭീകരപ്രവർത്തന ത്തിനെതിരെ ശക്തമായ പ്രചരണമാണ് ഇപ്പോൾ യുഎൻ അംഗരാജ്യങ്ങളിൽ അടക്കം നടക്കുന്നത് എന്നു സാരം.
