നാസയുടെ ബഹിരാകാശ സഞ്ചാരി സുനിത വില്യംസ് ഇല്ലാതെ ബോയിംഗ് സ്റ്റാർലൈനർ അടുത്ത ആഴ്ച ഭൂമിയിൽ തിരിച്ചെത്തും
വാണിജ്യ ബഹിരാകാശ യാത്രയ്ക്കുള്ള സ്റ്റാർലൈനറിന്‍റെ കഴിവ് പരീക്ഷിക്കുക എന്ന ലക്ഷ്യത്തോടെ ജൂൺ 5 ന് നാസ ബഹിരാകാശയാത്രികരായ സുനിത വില്യംസും ബുച്ച് വിൽമോറും ബോയിംഗ് സ്റ്റാർലൈനർ ബഹിരാകാശ പേടകത്തിൽ പുറപ്പെട്ടു.
ഈ സ്പേസ് ക്യാപ്‌സ്യൂൾ സെപ്റ്റംബർ 7-ന് ഭൂമിയിലേക്ക് തിരിച്ചുവരുന്നത് ക്രൂവില്ലാതെയാണ് എന്ന പ്രത്യേകതയുണ്ട്. പോയപ്പോഴുണ്ടായിരുന്ന രണ്ട് ബഹിരാകാശയാത്രികരും അടുത്ത വർഷം സ്പേസ് എക്സിന്‍റെ ക്രൂ ഡ്രാഗണിൽ തിരിച്ചെത്തും. ബോയിംഗ് ബഹിരാകാശ പേടകത്തിന്‍റെ ത്രസ്റ്ററുകളുടെ തകരാർ, പലതവണ റിപ്പോർട്ട് ചെയ്യപ്പെട്ട ഹീലിയം ചോർച്ച എന്നിവയെല്ലാം ബഹിരാകാശ യാത്രികർക്ക് അപകടസാധ്യത യുള്ളതാക്കുന്നതിലാണ് നാസയുടെ ഈ തീരുമാനം.
സെപ്റ്റംബർ 7 ശനിയാഴ്ച പുലർച്ചെ 12:03 ന് പേടകം ഭൂമിയിൽ തിരിച്ചെത്തുമെന്ന് നാസ അറിയിച്ചു. ഫ്ലോറിഡയിലെ നാസയുടെ കെന്നഡി സ്പേസ് സെന്‍ററിലെ ബോയിങ്ങിന്‍റെ സ്റ്റാർലൈനർ ഫാക്റ്ററിയിലേക്ക് മടങ്ങുന്നതിന് ലാൻഡിംഗ് സോണിലെ റിക്കവറി ടീമുകൾ ബഹിരാകാശ പേടകത്തെ സംരക്ഷിക്കും.
തെക്കുപടിഞ്ഞാറൻ യുണൈറ്റഡ് സ്റ്റേറ്റ്സിലായിരിക്കും പേടകം അൺഡോക്കിംഗ് നടത്തുക. പേടകത്തിന്‍റെ സുരക്ഷിതമായ
റീ-എൻട്രി, പാരച്യൂട്ട് സഹായത്തോടെ ലാൻഡിംഗ് എന്നിവയ്ക്ക് ആവശ്യമെങ്കിൽ ബഹിരാകാശ പേടകത്തെ വിദൂരമായി കമാൻഡ് ചെയ്യാൻ നിലത്തുള്ള ടീമുകൾക്ക് കഴിയുന്ന രീതിയിലാണ് നാസ സാഹചര്യങ്ങൾ ഒരുക്കിയിട്ടുള്ളത്.
വെറും എട്ടു ദിവസത്തിനുള്ളിൽ തിരിച്ചു വരേണ്ടിയിരുന്ന സുനിതയും ബുച്ചും സ്റ്റാർലൈനറിന്‍റെ തെറ്റായ പ്രൊപ്പൽഷൻ സിസ്റ്റം കാരണം സ്പേസ് ക്യാപ്‌സ്യൂളിന്‍റെ തിരിച്ചുവരാൻ വൈകുകയാണ്.
“ബഹിരാകാശ യാത്ര അപകടകരമാണ്. അതിന്‍റെ ഏറ്റവും സുരക്ഷിതമായ അവസ്ഥയിൽ പോലും. അതിന്‍റെ ഏറ്റവും പതിവിലും. ഒരു പരീക്ഷണ പറക്കൽ, സ്വഭാവമനുസരിച്ച്, സുരക്ഷിതമോ സാധാരണമോ അല്ല. അതിനാൽ, ബുച്ചിനെയും സുനിയെയും അന്താരാഷ്‌ട്ര ബഹിരാകാശ നിലയത്തിൽ നിർത്താനും ബോയിംഗ് സ്റ്റാർലൈനർ ജീവനക്കാരില്ലാതെ വീട്ടിലെത്തിക്കാനും തീരുമാനിച്ചത് സുരക്ഷയോടുള്ള പ്രതിബദ്ധതയുടെ ഫലമാണ് എന്നാണ് നാസ അഡ്മിനിസ്ട്രേറ്റർ ബിൽ നെൽസൺ അടുത്തിടെ പ്രസ്താവിച്ചത്.
