പാകിസ്ഥാന്‍ പേഷവാറില്‍ പള്ളിയിലുണ്ടായ ചാവേറാക്രമണത്തില്‍ ഇരുപതോളം പേര്‍ കൊല്ലപ്പെട്ടു. 90-ലധികം പേര്‍ക്ക് പരിക്കേറ്റു. മരണസംഖ്യ ഉയരാന്‍ സാധ്യത. പള്ളിയില്‍ പ്രാര്‍ഥനയ്ക്കിടെയാണ് സ്‌ഫോടനമുണ്ടായത്. ഉച്ചയ്ക്ക് 1.40നായിരുന്നു സംഭവം. സ്‌ഫോടന സമയത്ത് 150-ഓളം പേരാണു പ്രാര്‍ഥനയ്ക്കായി പള്ളിയിലുണ്ടായിരുന്നത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.
സ്‌ഫോടനത്തില്‍ പള്ളി ഭാഗികമായി തകര്‍ന്നതോടെ നിരവധി പേര്‍ അതിനുള്ളില്‍ കുടുങ്ങികിടക്കുകയാണ്. പരിക്കേറ്റവരെ സമീപത്തെ ആശുപത്രിയിലേക്കു മാറ്റി. രക്ഷാപ്രവര്‍ത്തനം തുടരുകയാണ്.
