ചൊവ്വയിൽ സമുദ്ര മൂല്യമുള്ള ദ്രാവക ജലം ഉണ്ടെന്ന് കണ്ടെത്തിയിരിക്കുകയാണ് അമെരിക്കയിലെ ഒരു കൂട്ടം ശാസ്ത്രജ്ഞർ. നാഷണൽ അക്കാദമി ഒഫ് സയൻസസിന്‍റെ പ്രൊസീഡിംഗ്സിൽ പ്രസിദ്ധീകരിച്ച ഗവേഷണത്തിൽ തങ്ങളുടെ കണ്ടെത്തലിനെ കുറിച്ച് അവർ വിശദമാക്കുന്നു. പുതിയ പഠനം ചൊവ്വയുടെ വാസയോഗ്യതയെ കുറിച്ചും ഭൂമിക്കപ്പുറമുള്ള ജീവനെ കുറിച്ചുള്ള പഠനങ്ങളിൽ ആദ്യത്തെ കണ്ടെത്തലാണ് ഇത്. ചുവന്ന ഗ്രഹത്തിൽ ദ്രാവക ജലത്തിന്‍റെ ഒരു റിസർവോയർ തന്നെ കണ്ടെത്തിയിരിക്കുകയാണ് ഇപ്പോൾ ശാസ്ത്രജ്ഞർ.
2018-ൽ നാസയുടെ മാർസ് ഇൻസൈറ്റ് ലാൻഡർ എന്ന ബഹിരാകാശ റോബോട്ടിക് പര്യവേക്ഷകനിൽ നിന്നുള്ള ഭൂകമ്പ ഡാറ്റയുടെ പുതിയ വിശകലനത്തിന്‍റെ ഭാഗമാണ് ഈ കണ്ടെത്തലുകൾ. രണ്ട് വർഷം മുമ്പ് അടച്ചുപൂട്ടുന്നതിന് മുമ്പ് 1,300 ലധികം മാർസ്‌ക്വെക്കുകൾ കണ്ടെത്തിയ ഭൂകമ്പമാപിനി മാർസ് ഇൻസൈറ്റ് ലാൻഡറിൽ ഉണ്ടായിരുന്നു. .ഇപ്പോൾ ഗ്രഹത്തിന്‍റെ ഉള്ളിൽ നിന്ന് ആ ഭൂചലനങ്ങൾ പഠിക്കുമ്പോൾ "ദ്രാവക ജലത്തിന്‍റെ ലക്ഷണങ്ങൾ കണ്ടെത്തി. അതോടെ അന്യഗ്രഹ ജീവികളെ കുറിച്ചുമുള്ള അന്വേഷണം തുടരുകയാണ് ശാസ്ത്രജ്ഞർ. കാരണം ജീവന്‍റെ നിലനിൽപ് ജലത്തിലാണ് എന്നതു തന്നെ. അതും ദ്രാവക രൂപത്തിലുള്ള ജലത്തിൽ.
ചൊവ്വയിലെ ജലത്തെക്കുറിച്ച് നമുക്കെന്തറിയാം?
ചൊവ്വയിൽ ദ്രാവക ജലത്തിന്‍റെ തെളിവുകൾ കണ്ടെത്തിയതായി ശാസ്ത്രജ്ഞർ വെളിപ്പെടുത്തുന്നത് ഇതാദ്യമാണ്. ചൊവ്വയിലെ ഗ്രഹഗർഭ പാറകളിലെ വിള്ളലുകളിൽ വെള്ളം മറഞ്ഞിരിക്കുന്നു - അത് ചുവന്ന ഗ്രഹത്തിന്‍റെ ഉപരിതലത്തിന് വളരെ താഴെയായി- അതായത്
ചൊവ്വയുടെ മധ്യഭാഗത്ത് ഏഴ് മൈൽ മുതൽ 12 മൈൽ (11.5 കിലോമീറ്റർ മുതൽ 20 കിലോമീറ്റർ വരെ) താഴെയാണെന്ന് വിശ്വസിക്കപ്പെടുന്നു. ദ്രവജലം നിറച്ച നേർത്ത ഒടിവുകളുള്ള അഗ്നിശിലയാണ് ചൊവ്വയിലേത്.
ശതകോടിക്കണക്കിന് വർഷങ്ങൾക്ക് മുമ്പ് ചൊവ്വയിൽ നദികൾ, തടാകങ്ങൾ, ഒരുപക്ഷേ സമുദ്രങ്ങൾ എന്നിവ ഉണ്ടായിരുന്നപ്പോൾ അത് ഉപരിതലത്തിൽ നിന്ന് ഒഴുകിയിരിക്കുമെന്ന് ഗവേഷണത്തിന് നേതൃത്വം നൽകിയ കാലിഫോർണിയ സർവകലാശാലയിലെ സാൻ ഡിയാഗോയുടെ സ്‌ക്രിപ്‌സ് ഇൻസ്റ്റിറ്റ്യൂഷൻ ഒഫ് ഓഷ്യാനോഗ്രഫിയിലെ പ്രമുഖ ശാസ്ത്രജ്ഞനായ വഷൻ റൈറ്റ് അഭിപ്രായപ്പെടുന്നു.
കണ്ടെത്തലുകൾ അനുസരിച്ച്, ചൊവ്വയുടെ ധ്രുവങ്ങളിൽ ശീതീകരിച്ച വെള്ളത്തിന് പുറമേ ദ്രാവക ജലവും ഇപ്പോഴും ഉണ്ടെന്നതിന്‍റെ "ഇതുവരെയുള്ള ഏറ്റവും മികച്ച തെളിവാണിത്".
ചൊവ്വയിൽ എത്ര വെള്ളമുണ്ട്?
ശാസ്ത്രജ്ഞരുടെ അഭിപ്രായത്തിൽ, ഗ്രഹത്തിന്‍റെ ഉപരിതലത്തിൽ "സമുദ്രങ്ങൾ നിറയ്ക്കാൻ ആവശ്യമായ വെള്ളം ചൊവ്വയിലുണ്ട്. ഒരു പക്ഷേ ചൊവ്വ ഗ്രഹത്തെ മുഴുവൻ മൂടത്തക്ക അളവ് ജലം ഈ ഗ്രഹഗർഭത്തിലുണ്ടെന്നും അവർ അനുമാനിക്കുന്നു. യുഎസ്എ ടുഡേ റിപ്പോർട്ട് ചെയ്യുന്നത് ഏകദേശം ഒരു മൈൽ ആഴത്തിൽ ചൊവ്വ ഗ്രഹഗർഭത്തിലുളളതെന്നാണ്.
നാസയുടെ റോവറുകൾ ഗ്രഹത്തിന്‍റെ ഉപരിതലത്തിൽ നിന്ന് വിവരങ്ങൾ ശേഖരിച്ചപ്പോൾ, ചൊവ്വ ഇന്നത്തെപ്പോലെ വരണ്ടതും പൊടി നിറഞ്ഞതും ആയിരുന്നില്ല എന്ന് വ്യക്തമായി. ഭൂമിയിലുള്ള പോലുള്ള പ്രദേശങ്ങൾ, ധാതുക്കൾ, ഡെൽറ്റകൾ എന്നിവയിൽ നിന്ന് വ്യക്തമാകുന്നത് പോലെ അതിൽ ടൺ കണക്കിന് വെള്ളമുണ്ടായിരുന്നു. അതാണ് മൂന്ന് ബില്യൺ വർഷങ്ങളായി ഒരു മരുഭൂമിയായി മാറിയിരിക്കുന്നത്. അപ്പോൾ എന്താണ് സംഭവിച്ചത്? "ഒരു ഗ്രഹത്തിന്‍റെ പരിണാമം രൂപപ്പെടുത്തുന്നതിൽ ഏറ്റവും പ്രധാനപ്പെട്ട തന്മാത്ര" വെള്ളമാണെന്ന് ഗവേഷണത്തിൽ ഏർപ്പെട്ടിരുന്ന ബെർക്ക്‌ലിയിലെ കാലിഫോർണിയ സർവകലാശാലയിലെ പ്രൊഫ. മൈക്കൽ മാംഗ പറയുന്നു. ഈ കണ്ടെത്തൽ, "ചൊവ്വയിലെ വെള്ളമെല്ലാം എവിടെ പോയി?" എന്ന വലിയ ചോദ്യത്തിന് ഉത്തരം നൽകുന്നതായി അദ്ദേഹം പറഞ്ഞു. ചൊവ്വയുടെ അന്തരീക്ഷം നഷ്ടപ്പെട്ടപ്പോൾ കുറച്ച് വെള്ളം വാതകമായി മാറി. ഭൂമിയിൽ, "നമ്മുടെ ജലത്തിന്‍റെ ഭൂരിഭാഗവും ഭൂഗർഭമാണെന്നും ചൊവ്വയിലും അങ്ങനെയാകാതിരിക്കാൻ ഒരു കാരണവുമില്ല" എന്നും പ്രൊഫ മംഗ കൂട്ടിച്ചേർത്തു.
