ഒട്ടാവ: പ്രധാനമന്ത്രി ജസ്റ്റിൻ ട്രൂഡോ ഇന്ത്യയിൽ "പരിഹാസ കഥാപാത്ര'മാണെന്ന് കനേഡിയൻ പ്രതിപക്ഷ നേതാവും കൺസർവേറ്റിവ് പാർട്ടി ഒഫ് ക്യാനഡയുടെ നേതാവുമായ പിയർ പൊലിയേവർ. നേപ്പാളി മാധ്യമം നമസ്തേ റേഡിയോ ടൊറന്റോയോടു സംസാരിക്കുകയായിരുന്നു അദ്ദേഹം.
ട്രൂഡോ പ്രൊഫഷനലല്ല. നിലവിൽ ലോകത്തിലെ ഏറ്റവും വലിയ ജനാധിപത്യ രാജ്യമായ എല്ലാ പ്രധാന ശക്തികളുമായും ക്യാനഡ തർക്കത്തിലാണ്. ട്രൂഡോയെ ഇന്ത്യക്കാർ ഗൗരവത്തിലെടുക്കുന്നില്ല.
ഇന്ത്യയുമായി ക്യാനഡയ്ക്ക് പ്രൊഫഷനൽ ബന്ധം ആവശ്യമാണ്. ഞാൻ പ്രധാനമന്ത്രിയായാൽ അതു പുനഃസ്ഥാപിക്കും. അഭിപ്രായവ്യത്യാസങ്ങളുണ്ടാകും. എന്നാൽ, ബന്ധം പ്രൊഫഷനലായിരിക്കണം- പൊലിയേവർ പറഞ്ഞു.