ജനദ്രോഹ (അഴിമതി) അഥോറിറ്റി

#​എം.ബി. സന്തോഷ്

സ്ഥല​സ്ഥാ​ന​ത്തു കേ​ര​ള ജ​ല അ​ഥോ​റി​റ്റി​യു​ടെ ആ​സ്ഥാ​ന​ത്തോ​ടു ചേ​ർ​ന്ന വാ​ട്ട​ർ വ​ർ​ക്സ് കോ​മ്പൗ​ണ്ടി​ലാ​ണ് "വി​വേ​കം താ​നേ വ​രി​ല്ല, അ​തി​ന് യ​ത്നി​ക്ക​ണം' എ​ന്നു പ​റ​ഞ്ഞ ശ്രീ​നാ​രാ​യ​ണ ഗു​രു​വി​ന്‍റെ പ്ര​തി​മ. "ഈ ​ലോ​കം സ​ത്യ​ത്തി​ലാ​ണ് സ്ഥി​തി ചെ​യ്യു​ന്ന​ത്. അ​തു​കൊ​ണ്ട് ക​ള്ളം പ​റ​യ​രു​ത്, സ​ത്യം മാ​ത്രം പ​റ​യു​ക' എ​ന്ന് അ​രു​ൾ ചെ​യ്ത ഗു​രു​ദേ​വ​ൻ.

അ​വി​ടെ​നി​ന്ന് ആ​ന​യ​റ​യി​ലേ​യ്ക്കു ദൂ​രം 10 കി​ലോ​മീ​റ്റ​ർ പോ​ലും വ​രി​ല്ല. അ​വി​ടെ, മ​ഹാ​രാ​ജാ​സ് ഗാ​ർ​ഡ​ൻ​സ് റ​സി​ഡ​ന്‍റ്സ് അ​സോ​സി​യേ​ഷ​നി​ലെ 75 വീ​ട്ടു​കാ​ർ ജ​ല അ​ഥോ​റി​റ്റി​യു​ടെ അ​നാ​സ്ഥ​യു​ടെ ഏ​റ്റ​വും വ​ലി​യ ഇ​ര​ക​ളാ​യി മാ​റി​യി​രി​ക്കു​ക​യാ​ണ്. അ​വ​രു​ടെ വീ​ടു​ക​ൾ​ക്ക് മു​ന്നി​ൽ കൂ​റ്റ​ൻ ഡ്രെ​യ്നേ​ജ് പൈ​പ്പു​ക​ൾ കൊ​ണ്ടി​ട്ടാ​ണ് 4 മാ​സ​മാ​യി സ​ഞ്ചാ​ര സ്വാ​ത​ന്ത്യം ത​ട​ഞ്ഞ​ത്. ഇ​തി​ന്‍റെ പ​ണി​ക​ൾ ഇ​ന്ന് പൂ​ർ​ത്തി​യാ​വു​മെ​ന്നാ​ണ് ഹൈ​ക്കോ​ട​തി​യി​ൽ വാ​ട്ട​ർ അ​ഥോ​റി​റ്റി അ​റി​യി​ച്ച​ത്. എ​ന്നാ​ൽ,പ​ണി പൂ​ർ​ത്തി​യാ​വി​ല്ലെ​ന്നു​റ​പ്പാ​ണ്. അ​തു​കൊ​ണ്ട്, ഇ​പ്പോ​ൾ കൊ​ണ്ടി​ട്ട് കൂ​ട്ടി​ച്ചേ​ർ​ത്ത കൂ​റ്റ​ൻ പൈ​പ്പ് മു​റി​ക്കു​ക​യാ​ണ് അ​ഥോ​റി​റ്റി. നാ​റാ​ണ​ത്ത് ഭ്രാ​ന്ത​ൻ ജീ​വി​ച്ചി​രു​ന്നെ​ങ്കി​ൽ അ​ഥോ​റി​റ്റി​യി​ലെ എ​ൻ​ജി​നീ​യ​ർ​മാ​രെ ഗു​രു​വാ​യി സ്വീ​ക​രി​ച്ച് ദ​ക്ഷി​ണ ന​ൽ​കി​യേ​നെ!

ഈ ​പ്ര​ദേ​ശ​ത്തെ ഒ​രു വ​ശ​ത്തു​ള്ള വീ​ട്ടു​കാ​ര്‍ക്കാ​ര്‍ക്കും വാ​ഹ​ന​ങ്ങ​ള്‍ പു​റ​ത്തി​റ​ക്കാ​നാ​കു​ന്നി​ല്ല. ഇ​വി​ടേ​ക്ക് വ​ന്നു​ക​യ​റു​ന്ന ഇ​ട​റോ​ഡി​ലു​ള്ള​വ​രും കു​ടു​ങ്ങി​യ അ​വ​സ്ഥ​യി​ലാ​ണ്. പ​ല വാ​ഹ​ന​ങ്ങ​ളു​ടെ​യും ബാ​റ്റ​റി​ക​ള്‍ കേ​ടാ​യി. രോ​ഗ​ങ്ങ​ള്‍ ബാ​ധി​ച്ച് ആ​ഴ്ച തോ​റും ആ​ശു​പ​ത്രി​ക​ളി​ല്‍ ചി​കി​ത്സ​യ്ക്കു പൊ​യ്‌​ക്കൊ​ണ്ടി​രു​ന്ന​വ​ർ​ക്ക് അ​തി​ന് സാ​ധി​ക്കു​ന്നി​ല്ല. കൂ​റ്റ​ന്‍ പൈ​പ്പ് ചാ​ടി​ക്ക​ട​ക്കാ​ന്‍ സ്ത്രീ​ക​ള്‍ക്കും കു​ട്ടി​ക​ള്‍ക്കും വൃ​ദ്ധ​ർ​ക്കും സാ​ധി​ക്കു​മോ?

മാ​ര്‍ച്ച് 15നാ​ണ് ഡ്രെ​യി​നേ​ജ് പൈ​പ്പു​ക​ള്‍ മാ​റ്റി​സ്ഥാ​പി​ക്കാ​ന്‍ ജ​ല അ​ഥോ​റി​റ്റി കൂ​റ്റ​ന്‍ പൈ​പ്പു​ക​ള്‍ ഇ​റ​ക്കി​യി​ട്ട​ത്. ന​ഗ​ര​ത്തി​ലെ പ്ര​ധാ​ന ആ​ശു​പ​ത്രി​ക​ളി​ലൊ​ന്നാ​യ ലോ​ർ​ഡ്‌​സ് ആ​ശു​പ​ത്രി മു​ത​ല്‍ ആ​മ​യി​ഴ​ഞ്ചാ​ന്‍ തോ​ടു വ​രെ 304 മീ​റ്റ​ര്‍ ദൂ​ര​ത്തി​ലാ​ണ് എം​എ​സ് പൈ​പ്പു​ക​ള്‍ സ്ഥാ​പി​ച്ച​ത്.

പൈ​പ്പു​ക​ള്‍ വ​ലി​ച്ചു നീ​ക്കാ​നു​ള്ള ഹൊ​റി​സോ​ണ്ട​ല്‍ ഡ​യ​റ​ക്റ്റ് ഡ്രി​ല്ലി​ങ് മെ​ഷീ​ന്‍റെ മോ​ട്ടോ​ര്‍ ത​ക​രാ​റി​ലാ​യ​തി​നെ തു​ട​ര്‍ന്ന് പ​ണി പാ​തി​വ​ഴി​യി​ല്‍ നി​ല​ച്ചു. മ​നു​ഷ്യാ​വ​കാ​ശ ക​മ്മി​ഷ​ന്‍ ജൂ​ണ്‍ 21ന് ​വി​ഷ​യ​ത്തി​ല്‍ ഇ​ട​പെ​ട്ടു. പൈ​പ്പു​ക​ള്‍ ഉ​ട​ന്‍ നീ​ക്കം ചെ​യ്യ​ണ​മെ​ന്നും 15 ദി​വ​സ​ത്തി​ന​കം റി​പ്പോ​ര്‍ട്ട് സ​മ​ര്‍പ്പി​ക്ക​ണ​മെ​ന്നും നി​ര്‍ദേ​ശി​ച്ചു. പൈ​പ്പു​ക​ള്‍ നീ​ക്കാ​നു​ള്ള യ​ന്ത്രം ജൂ​ണ്‍ 30ന് ​എ​ത്തു​മെ​ന്ന് മ​ന്ത്രി റോ​ഷി അ​ഗ​സ്റ്റി​ന്‍ പ​റ​ഞ്ഞി​രു​ന്നെ​ങ്കി​ലും ചെ​ന്നൈ​യി​ല്‍ നി​ന്ന് യ​ന്ത്ര​ങ്ങ​ള്‍ എ​ത്താ​തി​രു​ന്ന​തോ​ടെ ജ​ന​ങ്ങ​ള്‍ വീ​ണ്ടും പ്ര​തി​സ​ന്ധി​യി​ലാ​യി.

പൈ​പ്പു​ക​ള്‍ നീ​ക്കാ​ന്‍ നി​ര്‍ദേ​ശം ന​ല്‍ക​ണ​മെ​ന്ന് ആ​വ​ശ്യ​പ്പെ​ട്ട് ലോ​ര്‍ഡ്‌​സ് ആ​ശു​പ​ത്രി ഹൈ​ക്കോ​ട​തി​യി​ല്‍ ഹ​ര്‍ജി ന​ല്‍കി. 5നു ​മു​മ്പു പൈ​പ്പു​ക​ള്‍ കു​ഴി​യെ​ടു​ത്ത് മൂ​ടു​മെ​ന്ന് വാ​ട്ട​ര്‍ അ​ഥോ​റി​റ്റി ഹൈ​ക്കോ​ട​തി​യെ അ​റി​യി​ച്ചു. അ​തോ​ടെ സ​ർ​ക്കാ​ർ​ത​ല​ത്തി​ൽ ഇ​ട​പെ​ട​ലു​ക​ലു​ണ്ടാ​യി. അ​പ്പോ​ഴാ​ണ് അ​ഥോ​റി​റ്റി ദൈ​വ​ങ്ങ​ൾ ക​ൺ​തു​റ​ന്ന​ത്.

അ​ഥോ​റി​റ്റി​യി​ൽ എ​ൻ​ജി​നീ​യ​ർ​മാ​ർ മു​ത​ൽ ടെ​ക്നി​ക്ക​ൽ അം​ഗം വ​രെ "സാ​ങ്കേ​തി​ക കൊ​ണാ​ണ്ട​ർ'​മാ​രു​ടെ എ​ണ്ണം അ​മ്പ​ര​പ്പി​ക്കു​ന്ന​താ​ണ്. അ​വി​ടെ ന​മ്മു​ടെ നി​കു​തി​പ്പ​ണം കൊ​ണ്ടു വാ​ങ്ങി​ക്കൂ​ട്ടി​യ അ​ത്യാ​ഡം​ബ​ര വാ​ഹ​ന​ങ്ങ​ൾ ഉ​ൾ​പ്പെ​ടെ​യു​ള്ള​വ​യു​ടെ ക​ണ​ക്കെ​ടു​ത്താ​ൽ ത​ല​ചു​റ്റും. അ​തി​ലൊ​രു വ​ണ്ടി​യി​ൽ ഈ ​ടെ​ക്നി​ക്ക​ൽ അം​ഗം വ​രെ​യു​ള്ള​വ​ർ, ഒ​രു ജ​ന​ത​യെ 110 ദി​വ​സ​ത്തി​ലേ​റെ ബ​ന്ദി​യാ​ക്കി​യി​ട്ട് എ​ന്തു ചെ​യ്തു? ഗു​രു​ദേ​വ​ൻ പ​റ​ഞ്ഞ "വി​വേ​ക​മി​ല്ലാ​യ്മ'​യ്ക്ക് മ​റ്റൊ​രു​ദാ​ഹ​ര​ണ​ത്തി​ന്‍റെ ആ​വ​ശ്യ​മി​ല്ല. വേ​റെ എ​വി​ടെ​യെ​ങ്കി​ലു​മാ​യി​രു​ന്നെ​ങ്കി​ൽ ഇ​താ​വു​മാ​യി​രു​ന്നോ അ​വ​സ്ഥ? ഈ ​പൈ​പ്പ് മു​റി​ച്ചു​മാ​റ്റി​യ​ത് എ​ന്ന് പു​നഃ​സ്ഥാ​പി​ക്കും എ​ന്നു​കൂ​ടി അ​ഥോ​റി​റ്റി പ്ര​ഖ്യാ​പി​ക്ക​ണം. കാ​ര​ണം, ജ​ന​ത്തി​ന്‍റെ നി​കു​തി​പ്പ​ണം ഈ ​കൊ​ണാ​ണ്ട​ർ​മാ​ർ​ക്ക് ദീ​വാ​ളി കു​ളി​ക്കാ​ന​ല്ല.

ജ​ല അ​ഥോ​റി​റ്റി കു​ടി​വെ​ള്ളം മു​ട്ടി​ക്കു​ന്ന​ത് പു​തി​യ കാ​ര്യ​മ​ല്ല‌. വെ​ള്ള​ത്താ​ൽ ചു​റ്റ​പ്പെ​ട്ട കു​ട്ട​നാ​ട്ടി​ലെ സ്ഥി​തി നോ​ക്കൂ. പൈ​പ്പി​ടാ​ൻ 3 ല​ക്ഷം രൂ​പ ഇ​ല്ലെ​ന്ന ന്യാ​യം പ​റ​ഞ്ഞ് കു​ട്ട​നാ​ട്ടി​ലെ നെ​ടു​മു​ടി​യി​ൽ നൂ​റു​ക​ണ​ക്കി​ന് കു​ടും​ബ​ങ്ങ​ളു​ടെ കു​ടി​വെ​ള്ളം മു​ട്ടി​ക്കു​ക​യാ​ണ് അ​ഥോ​റി​റ്റി. നെ​ടു​മു​ടി നെ​ൽ​പു​ര​മ​ഠം പ്ര​ദേ​ശ​ത്തെ വാ​ട്ട​ര്‍ ടാ​ങ്ക് വെ​റു​തെ​യാ​യി. പു​തി​യ കു​ഴ​ൽ​ക്കി​ണ​ർ കു​ഴി​ച്ചെ​ങ്കി​ലും മോ​ട്ട​ർ സ്ഥാ​പി​ച്ച് പൈ​പ്പി​ട്ട് ടാ​ങ്കി​ലേ​ക്ക് വെ​ള്ള​മെ​ത്തി​ക്കാ​ൻ ഉ​ദ്യോ​ഗ​സ്ഥ​ര്‍ അ​നാ​സ്ഥ കാ​ട്ടു​ന്ന​തി​നാ​ൽ വെ​ള്ള​മെ​ത്തു​ന്നി​ല്ല. ആ​ന​യെ വാ​ങ്ങാം, തോ​ട്ടി വാ​ങ്ങാ​ൻ പ​ണ​മി​ല്ല എ​ന്ന​തു ത​ന്നെ കാ​ര​ണം. ആ​ന​യെ വാ​ങ്ങു​മ്പോ​ൾ "വി​ഹി​തം' കി​ട്ടും, തോ​ട്ടി​യി​ലെ​ന്ത് ത​ട​യാ​ൻ?!

"ജ​ല അ​ഥോ​റി​റ്റി​യി​ൽ നി​ല​നി​ൽ​ക്കു​ന്ന ദു​ഷ്പ്ര​വ​ണ​ത​യാ​ണ് ലം​പ്സം ക​രാ​റു​ക​ൾ. ഒ​രു വ​ർ​ക്കി​ന്‍റെ ഡി​പി​ആ​ർ ഇ​ല്ലാ​തെ​യാ​ണ് ടെ​ൻ​ഡ​റു​ക​ൾ​ക്കു​ള്ള എ​സ്റ്റി​മേ​റ്റ് ത​യാ​റാ​ക്കു​ന്ന​ത്. ഇ​തി​ലൂ​ടെ ചെ​യ്യാ​ത്ത ജോ​ലി​ക്കും പ​ണം കൊ​ടു​ക്കേ​ണ്ടി​വ​രും. ഇ​ത് പു​നഃ​പ​രി​ശോ​ധി​ക്ക​ണം'- അ​സോ​സി​യേ​ഷ​ൻ ഒ​ഫ് കേ​ര​ള വാ​ട്ട​ർ അ​ഥോ​റി​റ്റി ഓ​ഫി​സേ​ഴ്സ് (അ​ക്വ) പ്ര​സി​ഡ​ന്‍റ് ഇ.​എ​സ്. സ​ന്തോ​ഷ് കു​മാ​ർ ഒ​രു പ്ര​സി​ദ്ധീ​ക​ര​ണ​ത്തി​നു​ള്ള അ​ഭി​മു​ഖ​ത്തി​ൽ ചൂ​ണ്ടി​ക്കാ​ട്ടി​യ​താ​ണി​ത്.

കൊ​ച്ചി​യും ചു​റ്റു​മു​ള്ള പ്ര​ദേ​ശ​ങ്ങ​ളും ജ​ല​സ​മൃ​ദ്ധ​മാ​ണ്. എ​ന്നാ​ൽ,ആ​ലു​വ​യി​ൽ നി​ന്നും കൊ​ച്ചി​യി​ലേ​ക്കു കു​ടി​വെ​ള്ളം എ​ത്തി​ക്കു​ന്ന പ്ര​ധാ​ന ലൈ​നി​ൽ നി​ന്നു​ള്ള വി​ത​ര​ണ പൈ​പ്പ് പൊ​ട്ടി​യ​തി​നെ തു​ട​ർ​ന്ന് കൊ​ച്ചി ന​ഗ​ര​ത്തി​ലും പ​രി​സ​ര​ങ്ങ​ളി​ലും ആ​ഴ്ച​ക​ളോ​ളം കു​ടി​വെ​ള്ളം മു​ട​ങ്ങി​യ​ത് ക​ഴി​ഞ്ഞ ഫെ​ബ്രു​വ​രി​യി​ലാ​ണ്.

ജ​ല അ​ഥോ​റി​റ്റി​ക്ക്‌ പി​രി​ഞ്ഞു കി​ട്ടാ​നു​ള്ള​ത്‌ 1,591.43 കോ​ടി രൂ​പ​യാ​ണ്. ത​ദ്ദേ​ശ സ്ഥാ​പ​ന​ങ്ങ​ളും സ​ർ​ക്കാ​ർ വ​കു​പ്പു​ക​ളു​മാ​യി ന​ൽ​കാ​നു​ള്ള​ത്‌ 1,200 കോ​ടി​യും. ഗാ​ർ​ഹി​ക, ഗാ​ർ​ഹി​കേ​ത​ര ക​ണ​ക്‌​ഷ​ൻ കു​ടി​ശി​ക 235.88 കോ​ടി രൂ​പ​യാ​ണ്. ഇ​തു കേ​ട്ട​പ്പോ​ൾ ഒ​ര​നു​ഭ​വം- സു​ഹൃ​ത്ത് അ​ഥോ​റി​റ്റി ആ​സ്ഥാ​ന​മാ​യ വെ​ള്ള​യ​മ്പ​ലം പ​രി​ധി​യി​ലാ​ണ് താ​മ​സി​ക്കു​ന്ന​ത്. കു​ടി​വെ​ള്ള ബി​ല്ല​ട​യ്ക്കാ​ൻ 4 ത​വ​ണ ഈ ​ഓ​ഫി​സി​ൽ പോ​യി. ഓ​രോ​രോ കാ​ര​ണം പ​റ​ഞ്ഞ് ഉ​ദ്യോ​ഗ​സ്ഥ​ർ തി​രി​ച്ചു​വി​ട്ടു. ഗ​തി​കെ​ട്ടാ​ണ് ആ ​ച​ങ്ങാ​തി വി​വ​രം അ​റി​യി​ച്ച​ത്. കൈ​യോ​ടെ, അ​ന്ന​ത്തെ ജ​ല​വി​ഭ​വ മ​ന്ത്രി കെ. ​കൃ​ഷ്ണ​ൻ​കു​ട്ടി​യെ വി​ളി​ച്ചു. അ​തോ​ടെ, ഉ​പ​ഭോ​ക്താ​വി​നെ നേ​രി​ട്ടു വി​ളി​ച്ച് വ​ര​വേ​റ്റ് പ​ണം സ്വീ​ക​രി​ച്ചു! അ​ഥോ​റി​റ്റി​ക്ക് ന​ൽ​കാ​നു​ള്ള പ​ണം കൊ​ടു​ക്കാ​നാ​ണ് ഈ ​പെ​ടാ​പ്പാ​ട്! അ​ത് എ​ന്താ​യാ​ലും ഓ​ൺ​ലൈ​ൻ പ​ണ​മ​ട​യ്ക്ക​ലി​ന് നി​മി​ത്ത​മാ​യി എ​ന്ന​ത് സ​ന്തോ​ഷം.

ക​രാ​റു​കാ​ര​ല്ലാ​തെ, ജ​ല അ​ഥോ​റി​റ്റി​യു​മാ​യി ഏ​തെ​ങ്കി​ലും കാ​ര്യ​ത്തി​ന് ഇ​ട​പെ​ട്ട ഒ​രാ​ൾ​ക്ക് ന​ല്ല അ​നു​ഭ​വം പ​റ‍യാ​നു​ണ്ടാ​വു​മോ?​അ​ത്ത​രം അ​നു​ഭ​വ​ങ്ങ​ൾ ഇ​തു​വ​രെ കേ​ൾ​ക്കാ​നി​ട​വ​രാ​ത്ത​ത് പ​രി​മി​തി​യാ​ണെ​ങ്കി​ൽ ക്ഷ​മി​ക്ക​ണം. എ​ന്താ​യാ​ലും, "കേ​ര​ള ജ​ന​ദ്രോ​ഹ (അ​ഴി​മ​തി) അ​ഥോ​റി​റ്റി' എ​ന്ന് ഈ ​സ്ഥാ​പ​ന​ത്തെ വി​ളി​ക്കേ​ണ്ടി​വ​രു​ന്ന കാ​ലം വി​ദൂ​ര​മ​ല്ല.

തു​ട​ങ്ങി​യ​ത് ശ്രീ​നാ​രാ​യ​ണ ഗു​രു വ​ച​ന​ത്തി​ൽ ആ​യ​തി​നാ​ൽ അ​തി​ൽ ത​ന്നെ അ​വ​സാ​നി​പ്പി​ക്കാം: "അ​ഴി​മ​തി ഇ​ല്ലെ​ന്നും നീ​തി മാ​ത്ര​മേ ന​ട​ക്കൂ എ​ന്നും ജ​ന​ങ്ങ​ള്‍ക്ക് വി​ശ്വാ​സം വ​ര​ണം. അ​പ്പോ​ള്‍ എ​ല്ലാ​വ​രും ഭ​ര​ണ​ത്തെ അ​നു​കൂ​ലി​ക്കും'. ജ​ല​വി​ഭ​വ മ​ന്ത്രി ഉ​ൾ​പ്പെ​ടെ​യു​ള്ള​വ​ർ ഇ​ത് ഓ​ർ​ക്കു​ന്ന​ത് ന​ന്നാ​യി​രി​ക്കും.