വീ​ണ്ടും ഒ​രു പൊ​തി​ച്ചോ​ർ

# പാ​യി​പ്ര രാ​ധാ​കൃ​ഷ്ണ​ൻ

കാ​രൂ​ർ നീ​ല​ക​ണ്ഠ​പ്പി​ള്ള​യു​ടെ പ്ര​ശ​സ്ത​മാ​യ "പൊ​തി​ച്ചോ​ർ' എ​ന്ന ക​ഥ​യി​ലെ അ​ധ്യാ​പ​ക​ൻ ദാ​രി​ദ്ര്യം കൊ​ണ്ട് കു​ട്ടി​യു​ടെ പൊ​തി​ച്ചോ​ർ മോ​ഷ്ടി​ക്കു​ന്ന അ​വ​സ്ഥ​യി​ലാ​യി​രു​ന്നു. അ​ധ്യാ​പ​ക​ർ​ക്ക് ഏ​ഴു രൂ​പ മാ​ത്രം ശ​മ്പ​ള​മു​ണ്ടാ​യി​രു​ന്ന ദാ​രി​ദ്ര്യ​കാ​ലം. അ​ന്നും തി​രു​വി​താം​കൂ​റി​ൽ സ്വാ​തി​തി​രു​ന്നാ​ൾ മ​ഹാ​രാ​ജാ​വ് അ​ധ്യാ​പ​ക​ർ​ക്കു 300 രൂ​പ ശ​മ്പ​ളം കൊ​ടു​ത്തി​രു​ന്നു. മെ​ച്ച​പ്പെ​ട്ട ജീ​വി​ത സാ​ഹ​ച​ര്യ​ങ്ങ​ളി​ലെ​ത്തി​യാ​ൽ അ​ധ്യാ​പ​ക​ർ ന​ന്നാ​യി പ്ര​വ​ർ​ത്തി​ക്കു​മെ​ന്ന പ്ര​ത്യാ​ശ​യാ​യി​രു​ന്നു മ​ഹാ​രാ​ജാ​വി​നു​ണ്ടാ​യി​രു​ന്ന​ത്.

എ​ന്നാ​ൽ, ശ​മ്പ​ളം കൂ​ടു​ന്തോ​റും അ​ധ്യാ​പ​ന നി​ല​വാ​രം താ​ഴോ​ട്ടു​പോ​കു​ന്ന അ​വ​സ്ഥ​യാ​ണു പി​ന്നീ​ടി​ങ്ങോ​ട്ടു കേ​ര​ളം ക​ണ്ട​ത്. യു​ജി​സി ശ​മ്പ​ള​ത്തി​ന്‍റെ ലോ​ട്ട​റി കൂ​ടി അ​ടി​ച്ച​തോ​ടെ ഉ​ന്ന​ത​വി​ദ്യാ​ഭ്യാ​സ​വും ക​ട​പു​ഴ​കി എ​ന്നാ​ണ് അ​നു​ഭ​വം താ​ക്കീ​തു ന​ൽ​കു​ന്ന​ത്.

കാ​രൂ​രി​ന്‍റെ പൊ​തി​ച്ചോ​ർ മ​റ്റൊ​രു വി​ധ​ത്തി​ൽ ഈ​യി​ടെ ശ്ര​ദ്ധേ​യ​മാ​വു​ക​യു​ണ്ടാ​യി. മെ​ഡി​ക്ക​ൽ കോ​ളെ​ജ് ആ​ശു​പ​ത്രി​ക​ളു​ൾ​പ്പെ​ടെ സ​ർ​ക്കാ​ർ ആ​ശു​പ​ത്രി​ക​ളി​ലെ പാ​വ​പ്പെ​ട്ട രോ​ഗി​ക​ൾ​ക്കും അ​വ​രു​ടെ കൂ​ട്ടി​രി​പ്പു​കാ​ർ​ക്കും പ​ല വീ​ടു​ക​ളി​ലെ അ​മ്മ​മാ​ർ ത​യാ​റാ​ക്കു​ന്ന പൊ​തി​ച്ചോ​റു​ക​ൾ യ​ഥാ​സ​മ​യം എ​ത്തി​ച്ചു​കൊ​ടു​ക്കു​ന്ന ഒ​രു പ​രി​പാ​ടി ഡി​വൈ​എ​ഫ്ഐ​ക്കാ​ർ നി​ർ​വ​ഹി​ക്കു​ന്നു​ണ്ട്.

ഇ​പ്ര​കാ​രം പൊ​തി​ച്ചോ​ർ ത​യാ​റാ​ക്കേ​ണ്ട ഒ​ര​മ്മ ഒ​രു​ദി​വ​സം വീ​ട്ടി​ലു​ണ്ടാ​യി​രു​ന്നി​ല്ല. അ​ന്ന് ആ ​വീ​ട്ടി​ലെ ചെ​റി​യ കു​ട്ടി ഉ​ത്ത​ര​വാ​ദി​ത്തം ഏ​റ്റെ​ടു​ത്തു. യ​ഥാ​സ​മ​യം പൊ​തി​ച്ചോ​ർ കെ​ട്ടി അ​തി​ലൊ​രു ക്ഷ​മാ​പ​ണ​ക്ക​ത്തും വ​ച്ചു. ""ചേ​ട്ടാ, ചേ​ച്ചീ, അ​മ്മേ, താ​ത്താ, ഉ​മ്മാ... ഈ ​പൊ​തി കി​ട്ടു​ന്ന​വ​ർ ക്ഷ​മി​ക്ക​ണം, അ​മ്മ വീ​ട്ടി​ലി​ല്ല. സ്കൂ​ളി​ൽ പോ​കാ​നു​ള്ള ത​ത്ര​പ്പാ​ടി​നി​ടെ ഞാ​നു​ണ്ടാ​ക്കി​യ​താ​ണ്. രു​ചി​യി​ല്ലെ​ങ്കി​ൽ ക്ഷ​മി​ക്കു​ക. നി​ങ്ങ​ളു​ടെ അ​സു​ഖം വേ​ഗം ഭേ​ദ​മാ​ക​ട്ടെ..''

ആ ​പൊ​തി​ച്ചോ​ർ ഒ​രു അ​ധ്യാ​പ​ക​ന്‍റെ കൈ​യി​ലാ​ണ​ത്രെ കി​ട്ടി​യ​ത്. അ​ക്ഷ​ര​ത്തെ​റ്റു​ക​ളു​ള്ള ഈ ​കു​റി​പ്പും അ​ക്ഷ​ര​ങ്ങ​ൾ​ക്ക​പ്പു​റം സ്പ​ന്ദി​ക്കു​ന്ന ആ ​കു​ട്ടി​യു​ടെ ആ​ർ​ദ്ര​മാ​യ മ​ന​സും ആ ​അ​ധ്യാ​പ​ക​നെ സ്പ​ർ​ശി​ച്ചി​രി​ക്ക​ണം.

ഇ​ത്ത​ര​മൊ​രു ജീ​വ​കാ​രു​ണ്യ പ്ര​വ​ർ​ത്ത​നം ഏ​റ്റെ​ടു​ത്തു സ​ജീ​വ​മാ​ക്കി​യ ആ ​യു​വ​ജ​ന സം​ഘ​ട​ന​യെ, അ​വ​രു​ടെ മ​റ്റു പി​ഴ​ക​ൾ മ​റ​ന്നും അ​ഭി​ന​ന്ദി​ക്കേ​ണ്ട​തു​ണ്ട്. മു​ഖ​പ്ര​സം​ഗ​ങ്ങ​ളും പ​ത്രാ​ധി​പ​ക്കു​റി​പ്പു​ക​ളും അ​ന്താ​രാ​ഷ്‌​ട്ര, അ​ന്ത​ർ​ദേ​ശീ​യ പ്ര​ശ്ന​ങ്ങ​ളി​ൽ നീ​ന്തി​ത്തു​ടി​ക്കു​മ്പോ​ൾ വ​ലി​യ ഇ​രു​ട്ടി​ലെ ഇ​ത്ത​രം മ​ൺ​ചെ​രാ​തു​ക​ളെ ഗൗ​നി​ക്കാ​റി​ല്ല.

പ​ത്ര​പ്ര​വ​ർ​ത്ത​ന​ത്തി​ന്‍റെ പാ​ര​മ്പ​ര്യ ഗ​രി​മ​യു​ള്ള ത​ങ്ങ​ൾ​കു​ഞ്ഞു മു​സ​ലി​യാ​രു​ടെ പി​ൻ​ഗാ​മി ടി.​കെ. ഷ​ഹാ​ൽ ഹ​സ്സ​ൻ മു​സ​ലി​യാ​ർ "പ്ര​ഭാ​ത​ര​ശ്മി'​യു​ടെ മു​ഖ​വു​ര​യി​ൽ ഈ ​പൊ​തി​ച്ചോ​റി​ന്‍റെ ക​ഥ എ​ടു​ത്തു​പ​റ​ഞ്ഞി​രി​ക്കു​ന്നു.

അ​ടു​ക്ക​ള​യു​ടെ അ​ടു​പ്പ​വും അ​മ്മ​യു​ടെ കൈ​പ്പു​ണ്യ​വു​മു​ള്ള പൊ​തി​ച്ചോ​ർ അ​ങ്ങ​നെ വീ​ണ്ടും സാ​മൂ​ഹി​ക മാ​ധ്യ​മ​ങ്ങ​ളി​ൽ സ​ജീ​വ​മാ​യി. അ​ക്ഷ​ര​മാ​ല ഇ​ല്ലാ​ത്ത പാ​ഠ​പു​സ്ത​കം പ​ഠി​ച്ചി​ട്ടും ആ ​കു​ട്ടി​യു​ടെ മ​നോ​ഭാ​വ​ത്തി​ലും സ്വ​ഭാ​വ​ത്തി​ലും പെ​രു​മാ​റ്റ​ത്തി​ലും അ​ക്ഷ​ര​പ്പി​ശ​കു​ക​ൾ വ​ന്നു​ഭ​വി​ക്കാ​ത്ത​തു ദൈ​വാ​ധീ​നം ത​ന്നെ..!

ആ ​പൊ​തി​ച്ചോ​റും കു​റി​പ്പും ഒ​രു അ​ധ്യാ​പ​ക​ന്‍റെ കൈ​ക​ളി​ൽ ത​ന്നെ ചെ​ന്നു​പെ​ട്ടു എ​ന്നി​ട​ത്താ​ണ് കാ​രൂ​ർ​ക്ക​ഥ​യു​ടെ പാ​ഠ​ഭേ​ദ​ങ്ങ​ൾ ത​ളി​ർ​ക്കു​ന്ന​ത്.

(ലേ​ഖ​ക​ന്‍റെ ഫോ​ൺ: 9447575156)