ലണ്ടൻ: ഇംഗ്ലണ്ട് ടെസ്റ്റ് ടീം ക‍്യാപ്റ്റൻ ബെൻ സ്റ്റോക്സിന്‍റെ വീട്ടിൽ മുഖംമൂടി ധരിച്ചെത്തിയ സംഘം മോഷണം നടത്തി. പാക്കിസ്ഥാനെതിരെ രണ്ടാം ടെസ്റ്റ് പരമ്പര കളിക്കുന്നതിനിടെയാണ് ലണ്ടനിലെ വീട്ടിൽ മോഷണം നടന്നത്. മോഷണം നടക്കുന്ന സമയത്ത് ഭാര്യയും കൊച്ചുകുട്ടികളുമുണ്ടായിരുന്നു വീട്ടിൽ.
എന്നാൽ തന്‍റെ കുടുംബത്തിന് ഒരു ശാരീരിക ഉപദ്രവവും ഉണ്ടായിട്ടില്ലെന്നും വികാരപരമായ പല അമൂല‍്യവസ്തുക്കളും നഷ്ട്ടപെട്ടുവെന്നും ഇത് തന്നെയും കുടുംബത്തിനെയും മാനസികമായി തളർത്തിയെന്നും സ്റ്റോക്സ് പറഞ്ഞു.
'ഒക്‌ടോബർ 17 വ്യാഴാഴ്‌ച വൈകുന്നേരം നോർത്ത് ഈസ്റ്റിലെ കാസിൽ ഈഡൻ ഏരിയയിലുള്ള എന്‍റെ വീട്ടിൽ മുഖംമൂടി ധരിച്ച കുറേ ആളുകൾ മോഷണം നടത്തി. ആഭരണങ്ങൾ, മറ്റ് വിലപിടിപ്പുള്ള വസ്തുക്കൾ, സ്വകാര്യ വസ്തുക്കൾ എന്നിവയുമായാണ് ഇവർ രക്ഷപ്പെട്ടത്. ആ ഇനങ്ങളിൽ പലതിനും എനിക്കും എന്‍റെ കുടുംബത്തിനും യഥാർത്ഥ വൈകാരിക മൂല്യമുണ്ട്. അവ മാറ്റാനാകാത്തവയാണ്. ഈ പ്രവർത്തി നടത്തിയവരെ കണ്ടെത്തുന്നതിന് എന്തെങ്കിലും സഹായത്തിനുള്ള അഭ്യർത്ഥനയാണിത്.
ഈ കുറ്റകൃത്യത്തിന്‍റെ ഏറ്റവും മോശമായ കാര്യം എന്‍റെ ഭാര്യയും 2 കൊച്ചുകുട്ടികളും വീട്ടിലായിരിക്കുമ്പോൾ ഇത് ചെയ്തു എന്നതാണ്. ഭാഗ്യവശാൽ എന്‍റെ കുടുംബത്തിലെ ആരെയും ശാരീരികമായി ഉപദ്രവിച്ചിട്ടില്ല. എന്നിരുന്നാലും ഈ അനുഭവം അവരെ മാനസികമായി തളർത്തി. ഇതിന് ഉത്തരവാദികളായ ആളുകളെ കണ്ടെത്താൻ കഴിയുമെന്ന പ്രതീക്ഷയിൽ മോഷ്ടിച്ച ചില വസ്തുക്കളുടെ ഫോട്ടോഗ്രാഫുകൾ ഞാൻ പുറത്തുവിടുന്നു അവ എളുപ്പത്തിൽ തിരിച്ചറിയാൻ കഴിയുമെന്ന് ഞാൻ പ്രതീക്ഷിക്കുന്നു' അദേഹം എക്സിൽ കുറിച്ചു.
