![hardik pandya injury](http://media.assettype.com/metrovaartha%2F2023-10%2F7378cf42-abbc-4022-907c-e019c854e0bc%2Fhardik_pandya_injury.jpg?w=480&auto=format%2Ccompress&fit=max)
പൂനെ: ക്രിക്കറ്റ് ലോകകപ്പിലെ ബംഗ്ലാദേശിനെതിരായ മത്സരത്തിനിടെ കണങ്കാലിന് പരിക്കേറ്റ ഹാർദിക് പാണ്ഡ്യ ന്യൂസിലാന്ഡിനെതിരായ മത്സരത്തില് കളിക്കില്ല.
ചികിത്സയ്ക്കായി താരത്തെ ബംഗളൂരുവിലുള്ള ദേശീയ ക്രിക്കറ്റ് അക്കാഡമിയിലേക്ക് എത്തിക്കും. തുടർന്ന് ഇംഗ്ലണ്ടില് നിന്നുളള വിദഗ്ദ ഡോക്ടര് പാണ്ഡ്യയെ ചികിത്സിക്കും.
വ്യഴാഴ്ച നടന്ന മത്സരത്തിലെ ഒൻപതാം ഓവറിലാണ് താരത്തിന് പരിക്കേറ്റത്. ആദ്യ ബൗളിംഗ് ചേഞ്ചുമായി എത്തിയ പാണ്ഡ്യ എറിഞ്ഞ മൂന്നാം ബോളിൽ ലിട്ടണ് ദാസിൻ്റെ സ്ട്രൈറ്റ് ഡ്രൈവ് കാലുകൊണ്ട് തടയാന് ശ്രമിക്കുന്നതിനിടെ പാണ്ട്യ നിലത്തുവീഴുകയായിരുന്നു. കാലിന് പരിക്കേറ്റ പാണ്ട്യ ബാക്കി പന്തുകൾ എറിയാൻ സാധിക്കാതെ മടങ്ങുകയായിരുന്നു.
അതേസമയം വ്യാഴാഴ്ച ബംഗ്ലാദേശിനെ ഏഴ് വിക്കറ്റിന് ഇന്ത്യ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ബംഗ്ലാദേശ് എട്ടു വിക്കറ്റ് നഷ്ടത്തില് 256 റണ്സെടുത്തു. മറുപടി ബാറ്റിങ്ങിനിറങ്ങിയ ഇന്ത്യ 41.3 ഓവറഇല് മൂന്നു വിക്കറ്റ് നഷ്ടത്തില് 261 റണ്സ് നേടി.