സാഫ് കപ്പ് ഫൈനലിൽ ഇന്ത്യ കുവൈറ്റിനെതിരേ

ബം​ഗ​ളൂ​രു: സാ​ഫ് ക​പ്പ് ഫു​ട്ബോ​ൾ ചാം​പ്യ​ൻ​ഷി​പ്പി​ന്‍റെ ഫൈ​ന​ലി​ൽ ഇ​ന്ത്യ ചൊവ്വാഴ്ച കു​വൈ​റ്റി​നെ നേ​രി​ടും. ല​ക്ഷ്യം ഒ​മ്പ​താം കി​രീ​ടം. ഇ​ന്ത്യ​യ്ക്ക് സെ​മി​ഫൈ​ന​ലി​ൽ ലെ​ബ​ന​നെ മ​റി​ക​ട​ക്കാ​ൻ പെ​ന​ൽ​റ്റി ഷൂ​ട്ടൗ​ട്ട് വ​രെ കാ​ക്കേ​ണ്ടി വ​ന്നെ​ങ്കി​ൽ, കു​വൈ​റ്റ് ബം​ഗ്ലാ​ദേ​ശി​നെ കീ​ഴ​ട​ക്കി​യ​ത് എ​ക്സ്ട്രാ ടൈ​മി​ലാ​യി​രു​ന്നു.

ടൂ​ർ​ണ​മെ​ന്‍റി​ൽ ര​ണ്ടാം വ​ട്ട​മാ​ണ് ഇ​ന്ത്യ കു​വൈ​റ്റി​നെ നേ​രി​ടു​ന്ന​ത്. ഗ്രൂ​പ്പ് എ ​മ​ത്സ​ര​ത്തി​ൽ ഇ​രു ടീ​മു​ക​ളും നേ​ർ​ക്കു​നേ​ർ വ​ന്ന​പ്പോ​ൾ 1-1 സ​മ​നി​ല​യാ​യി​രു​ന്നു ഫ​ലം. ക​ണ്ഠീ​ര​വ സ്റ്റേ​ഡി​യ​ത്തി​ലെ ഹോം ​ക്രൗ​ഡ് മാ​ത്ര​മാ​ണ് കു​വൈ​റ്റി​നു മേ​ൽ ഇ​ന്ത്യ​യ്ക്ക് ആ​നു​കൂ​ല്യം ന​ൽ​കു​ന്ന ഘ​ട​കം.

ര​ണ്ട് മ​ഞ്ഞ​ക്കാ​ർ​ഡ് ക​ണ്ട​തി​നെ​ത്തു​ട​ർ​ന്ന് സെ​മി​ഫൈ​ന​ലി​ൽ ക​ളി​ക്കാ​ൻ ക​ഴി​യാ​തി​രു​ന്ന സ്റ്റാ​ർ ഡി​ഫ​ൻ​ഡ​ർ സ​ന്ദേ​ശ് ജിം​ഘ​ൻ തി​രി​ച്ചെ​ത്തു​ന്ന​ത് ഫൈ​ന​ലി​ൽ ഇ​ന്ത്യ​ൻ പ്ര​തി​രോ​ധ നി​ര​യ്ക്ക് ക​രു​ത്തു പ​ക​രും. അ​തേ​സ​മ​യം, സാ​ഫ് അ​ച്ച​ട​ക്ക സ​മി​തി​യു​ടെ ന​ട​പ​ടി നേ​രി​ടു​ന്ന മു​ഖ്യ പ​രി​ശീ​ല​ക​ൻ ഇ​ഗോ​ർ സ്റ്റി​മാ​ച്ചി​ന് ഈ ​മ​ത്സ​ര​ത്തി​ലും ഇ​ന്ത്യ​ൻ ഡ​ഗ് ഔ​ട്ടി​ൽ ഇ​രി​ക്കാ​ൻ അ​നു​മ​തി​യു​ണ്ടാ​കി​ല്ല. ടൂ​ർ​ണ​മെ​ന്‍റി​നി​ടെ ര​ണ്ടു വ​ട്ട​മാ​ണ് കോ​ച്ചി​ന് ചു​വ​പ്പ് കാ​ർ​ഡി കി​ട്ടി​യ​ത്!

എ​ന്നാ​ൽ, എ​ല്ലാ പ്ര​തി​ബ​ന്ധ​ങ്ങ​ളെ​യും മ​റി​ക​ട​ക്കാ​നു​ള്ള ഇ​ച്ഛാ​ശ​ക്തി​യാ​ണ് സു​നി​ൽ ഛേത്രി ​ന​യി​ക്കു​ന്ന ഇ​ന്ത്യ​ൻ​നി​ര പ്ര​ക​ടി​പ്പി​ക്കു​ന്ന​ത്. മൂ​ന്ന് ഗ്രൂ​പ്പ് മ​ത്സ​ര​ങ്ങ​ളി​ലും സ്കോ​ർ ചെ​യ് ഛേത്രി​ക്ക് സെ​മി​യി​ൽ മാ​ത്ര​മാ​ണ് ഗോ​ള​ടി​ക്കാ​ൻ ക​ഴി​യാ​തി​രു​ന്ന​ത്. എ​ന്നാ​ൽ, ഷൂ​ട്ടൗ​ട്ടി​ൽ ത​ന്‍റെ അ​വ​സ​രം ല​ക്ഷ്യ​ത്തി​ലെ​ത്തി​ച്ചി​രു​ന്നു.

ഛേത്രി​ക്ക് അ​വ​സ​ര​ങ്ങ​ളൊ​രു​ക്കാ​ൻ സ​ഹ​ൽ അ​ബ്ദു​ൾ സ​മ​ദി​നും മ​ഹേ​ഷ് സി​ങ്ങി​നും ഉ​ദാ​ന്ത സി​ങ്ങി​നും സാ​ധി​ച്ചാ​ൽ ക​ളി ഇ​ന്ത്യ​യു​ടെ കാ​ലി​ൽ നി​ൽ​ക്കും. വി​ങ്ങ​റാ​യ മ​ഹേ​ഷി​നെ സെ​മി ഫൈ​ന​ലി​ൽ ഛേത്രി​ക്കു പി​ന്നി​ൽ മ​ധ്യ​ത്തി​ലാ​യാ​ണ് ക​ളി​പ്പി​ച്ച​ത്. ഫൈ​ന​ലി​ലും ഇ​തേ ത​ന്ത്രം തു​ട​രു​മെ​ന്ന സൂ​ച​ന​യാ​ണ് സ​ഹ​പ​രി​ശീ​ല​ക​ൻ മ​ഹേ​ഷ് ഗാ​വ്‌​ലി ന​ൽ​കി​യി​ട്ടു​ള്ള​ത്. ഇ​ട​തു വി​ങ്ങി​ലൂ​ടെ ആ​ഷി​ഖ് കു​രു​ണി​യ​ൻ ന​ട​ത്തു​ന്ന നീ​ക്ക​ങ്ങ​ളും നി​ർ​ണാ​യ​ക​മാ​യി​രി​ക്കും.