കൊച്ചി: ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിനെ ഒന്നിനെതിരേ മൂന്നു ഗോളുകൾക്ക് പരാജയപ്പെടുത്തി ബംഗളൂരു എഫ്സി.ബംഗളൂരുവിന്‍റെ എഡ്ഗാർ മെൻഡസിന്‍റെ ഇരട്ടഗോളും ഹോർഹെ പെരേര ഡയസിന്‍റെ ഒരു ഗോളും ചേർന്നാണ് ബ്ലാസ്റ്റേഴ്സിന് വമ്പൻ പരാജയം നൽകിയത്. ഹെസൂസ് ഹിമെനെ ഇൻജുറി ടൈമിൽ പെനൽറ്റിയിൽ നേടിയ ഒറ്റ ഗോൾ മാത്രം ബ്ലാസ്റ്റേഴ്സിന് ആശ്വാസമായി.
സീസണിലെ ആറു കളികളിൽ നിന്ന് അഞ്ചാം ജയമാണിപ്പോൾ ബംഗളൂരു നേടിയിരിക്കുന്നത്.
ഒരു സമനിലയടക്കം നിലവിൽ 16 പോയിന്‍റ് ബംഗളൂരുവിന് സ്വന്തമാണ്. ആറു കളികൾക്കിടെ രണ്ടു തോൽവികൾ വഴങ്ങിയ ബ്ലാസ്റ്റേഴ്സിന് 8 പോയിന്‍റാണ് ഉള്ളത്.
