ദുബൈ: വിൻഡീസ് മുന്‍ ഓപ്പണർ മാര്ലോണ് സാമുവല്‍സിന് ഐസിസി വിലക്ക്. ക്രിക്കറ്റിന്‍റെ എല്ലാ ഫോര്മാറ്റുകളില് നിന്നും മാര്ലോണ് സാമുവല്‍സിനെ ആറുവര്‍ഷത്തേയ്ക്കാണ് വിലക്കിയത്.
എമിറേറ്റ്സ് ക്രിക്കറ്റ് ബോര്ഡിന്റെ അഴിമതിവിരുദ്ധ നിയമലംഘനത്തിനാണ് നടപടി. മാര്ലോണ് സാമുവല്‍സ് നാലു നിയമലംഘനങ്ങള്‍ നടത്തിയതായാണ് കണ്ടെത്തിയിരിക്കുന്നത്. നവംബര്‍ 11 മുതല്‍ വിലക്ക് പ്രാബല്യത്തില്‍വന്നു.
2019ലെ അബുദാബി ടി10 ലീഗുമായി ബന്ധപ്പെട്ടാണ് സാമുവല്‍സിനെതിരേ ആരോപണങ്ങള് ഉയര്‍ന്നത്. ഈ വര്‍ഷം ഓഗസ്റ്റിലാണ് സാമുവല്‍സ് കുറ്റക്കാരനാണെന്ന് കണ്ടെത്തിയത്. വെസറ്റ് ഇന്‍ഡീസിന് വേണ്ടി മൂന്ന് ഫോര്മാറ്റുകളിലും കളിച്ചിരുന്ന മാര്ലോണ് സാമുവല്‍സ് 2020ലാണ് വിരമിച്ചത്.
18 വര്ഷത്തോളം നീണ്ട കരിയറില്‍ 71 ടെസ്റ്റുകളിലും 207 ഏകദിനങ്ങളിലും 67 ടി-20കളിലും വെസ്റ്റിന്‍ഡീസിന് വേണ്ടി കളിച്ചു. ടെസ്റ്റില്‍ 3917 റണ്‍സ് നേടിയ താരം ഏകദിനത്തില്‍ ടീമിന്‍റെ നിര്‍ണായക കളിക്കാരനായിരുന്നു.
