ബ്രസീലിയ: അന്താരാഷ്ട്ര ഫുട്‌ബോളില്‍ പെലെയുടെ ഗോള്‍ റെക്കോര്‍ഡ് തകർത്ത് നെയ്മര്‍ ജൂനിയര്‍. ഫുട്‌ബോളില്‍ പകരം വയ്ക്കാനില്ലാത്ത രാജാവ് പെലെ ബ്രസീലിനായി 91 കളിയില്‍ നേടിയത് 77 ഗോളുകളാണ് നേടിയിരുന്നത്. ലോകകപ്പ് യോഗ്യതാ റൗണ്ടില്‍ ബൊളീവിയക്കെതിരെ ഇന്നു നടന്ന മത്സരത്തിൽ ഒരു ഗോൾ നേടിയതോടെയാണ് നെയ്‌മർ പെലെയുടെ റെക്കോർഡ് മറികടന്നത്. മത്സരത്തിൽ നെയ്‌മർ 2 ഗോൾ നേടി.
മത്സരത്തിന് മുമ്പ് 77 ഗോളുമായി പെലെയ്ക്ക് ഒപ്പമായിരുന്നു നെയ്മര്‍. ഇരട്ടഗോളോടെ 125 മത്സരങ്ങളിൽ നിന്ന് 79 ഗോളുകളാണ് താരത്തിൻ്റെ നേട്ടം. 98 കളിയില്‍ 62 ഗോള്‍ നേടിയ റൊണാള്ഡോ നസാരിയോയാണ് ബ്രസീലിയന്‍ ഗോള്വേട്ടക്കാരിലെ മൂന്നാമന്‍. 56 ഗോളുള്ള റൊമാരിയോ നാലും 48 ഗോളുള്ള സീക്കോ അഞ്ചും സ്ഥാനങ്ങളിലുണ്ട്. ലോകകപ്പിലെ ക്വാര്‍ട്ടര്‍ ഫൈനലില്‍ ക്രൊയേഷ്യയോട് പരാജയപ്പെട്ട ശേഷം ബ്രസീല്‍ ആദ്യമായാണ് കളത്തിലിറങ്ങിയത്.
സൗറി ക്ലബ് അല്‍ ഹിലാലുമായിട്ടാണ് നെയ്മര്‍ ഇപ്പോള് കരാറൊപ്പിട്ടിരിക്കുന്നത്. എന്നാല്‍ പരിക്കിനെ തുടര്‍ന്ന് അദ്ദേത്തിന് ഇതുവരെ അരങ്ങേറാനായിട്ടില്ല. ഒരു മാസത്തെ വിശ്രമം വേണ്ടി വരുന്നമെന്നാണ് മെഡിക്കല്‍ ടീം അറിയിച്ചിരുന്നത്.
