രഞ്ജി ട്രോഫി: കേരളത്തിനെതിരേ യുപി മികച്ച സ്കോറിലേക്ക്

ആലപ്പുഴ: രഞ്ജി ട്രോഫി ക്രിക്കറ്റ് ടൂർണമെന്‍റിലെ ആദ്യ മത്സരത്തിൽ കേരളത്തിനെതിരേ ഉത്തർ പ്രദേശ് ആദ്യ ദിവസം കളി അവസാനിപ്പിക്കുമ്പോൾ അഞ്ച് വിക്കറ്റ് നഷ്ടത്തിൽ 244 റൺസ് എന്ന നിലയിൽ.

ടോസ് നേടി ബാറ്റ് ചെയ്ത യുപി 124 റൺസെടുക്കുന്നതിനിടെ അഞ്ച് വിക്കറ്റ് വീഴ്ത്തി കേരള ബൗളർമാർ ആധിപത്യം സ്ഥാപിച്ചിരുന്നെങ്കിലും, റിങ്കു സിങ്ങും ധ്രുവ് ജുറലും ഒരുമിച്ച അപരാജിതമായ 120 റൺസ് കൂട്ടുകെട്ട് സന്ദർശകരെ കരകയറ്റുകയായിരുന്നു. 71 റൺസുമായി റിങ്കുവും 54 റൺസുമായി വിക്കറ്റ് കീപ്പർ ജുറലും പുറത്താകാതെ നിൽക്കുന്നു.

ബേസിൽ തമ്പി, എം.ഡി. നിധീഷ്, വൈശാഖ് ചന്ദ്രൻ, ജലജ് സക്സേന, ശ്രേയസ് ഗോപാൽ എന്നിവർ ഓരോ വിക്കറ്റ് വീഴ്ത്തി.