തിരുവനന്തപുരം: വെസ്റ്റിൻഡീസിനെതിരായ ഏകദിന പരമ്പരയ്ക്കു പിന്നാലെ ട്വന്‍റി 20 ടീമിലേക്കും മടങ്ങിയെത്തിയതിൽ പ്രതികരിച്ച് സഞ്ജു സാംസൺ. തന്‍റെ ബാറ്റിംഗ് പരിശീലനത്തിന്‍റെ ചിത്രം പങ്കുവെച്ചാണ് സഞ്ജു സാംസണ് സന്തോഷം പങ്കുവച്ചത്. ക്രീസ് വിട്ടിറങ്ങി ബൗളറെ പറത്തുന്ന ചിത്രമാണ് സഞഅജു ഇൻസ്റ്റഗ്രാമിൽ നൽകിയിരിക്കുന്നത്. സഞ്ജുവിന്‍റെ ഈ ചിത്രത്തിന് രണ്ട് ലക്ഷത്തിലേറെ ലൈക്ക് ഇതിനകം ലഭിച്ചു.
പുതുതായി ചീഫ് സെലക്‌ടറായി തെരഞ്ഞെടുക്കപ്പെട്ട അജിത് അഗാര്‍ക്കര്‍ ഉള്‍പ്പെട്ട ബിസിസിഐ സെലക്ഷന്‍ കമ്മിറ്റിയാണ് സഞ്ജു സാംസണെ ഉള്‍പ്പെടുത്തി വെസ്റ്റ് ഇന്‍ഡീസ് പര്യടനത്തിനുള്ള ട്വന്‍റി 20 സ്‌ക്വാഡിനെ തെരഞ്ഞെടുത്തത്. സഞ്ജു സാംസണ് മികച്ച അവസരമായാണ് ഈ തെരഞ്ഞെടുപ്പിനെ കതാണേണ്ടത്.
