ഫിഫ ലോകകപ്പ് നിയന്ത്രിക്കാൻ യുഎഇ വനിതയും

സ്വന്തം ലേഖകൻ

ദുബായ്: ഫിഫ ലോകകപ്പ് ഫുട്ബോൾ മത്സരങ്ങൾ നിയന്ത്രിക്കാൻ ഇനി ഇമറാത്തി വനിതാ റഫറിയും. യുഎയിലെ അന്തർദേശിയ അസിസ്റ്റന്‍റ് റഫറി അമൽ ജമാലിനെ ഫിഫ അണ്ടർ 17 വനിതാ ലോകകപ്പ് മത്സരങ്ങൾ നിയന്ത്രിക്കുന്നവരുടെ പട്ടികയിൽ ഉൾപ്പെടുത്തി.

യുഎഇ ഫുട്ബോൾ അസോസിയേഷനാണ് ഇക്കാര്യം അറിയിച്ചത്. ഈ വർഷം ഒക്ടോബർ 16 മുതൽ നവംബർ 3 വരെ ഡൊമിനിക്കൻ റിപ്പബ്ലിക്കിലാണ് ചാമ്പ്യൻഷിപ്പ് നടക്കുന്നത്.