![ഉറുഗ്വെയുടെ അറ്റാക്കിങ് മിഡ്ഫീൽഡർ ഗോകുലം കേരളയിലേക്ക്](http://media.assettype.com/metrovaartha%2F2024-05%2F16b3f1f3-abc2-46bd-8f93-ddea1ba4dbee%2Fmartin_chavez.jpg?w=480&auto=format%2Ccompress&fit=max)
കൊച്ചി: ഉറുഗ്വെയുടെ അറ്റാക്കിംഗ് മിഡ്ഫീൽഡർ മാർട്ടിൻ ഷാവേസ് അടുത്ത സീസണിൽ ഗോകുലം കേരള ടീമിൽ കളിക്കും. ചർച്ചിൽ ബ്രദേഴ്സിൽനിന്നാണ് ഷാവേസ് രണ്ടു വർഷത്തെ കരാറിൽ ഗോകുലത്തിലെത്തുന്നത്.
ഉറുഗ്വെയുടെ അണ്ടർ-17 ടീമിൽ കളിച്ചിട്ടുള്ള ഷാവേസ് 2019-20 സീസൺ മുതൽ ഇന്ത്യയിൽ പ്രൊഫഷണൽ ഫുട്ബോൾ കളിക്കുന്നുണ്ട്. കഴിഞ്ഞ വർഷമാണ് ചർച്ചിൽ ബ്രദേഴ്സിലെത്തുന്നത്. ഐ ലീഗിൽ ഏഴു ഗോളും നേടി.
അതിനുമുമ്പ് രാജസ്ഥാൻ യുണൈറ്റഡിലും, ഐഎസ്എല്ലിൽ നോർത്ത് ഈസ്റ്റ് യുണൈറ്റഡിലും കളിച്ചു.