കൊച്ചി: ഇന്ത്യയിലെ മുന്‍നിര ടെലികോം സേവനദാതാക്കളായ ഭാരതി എയര്‍ടെല്‍ 235 നഗരങ്ങളില്‍ കൂടി അള്‍ട്രാ ഫാസ്റ്റ് 5ജി സേവനങ്ങള്‍ അവതരിപ്പിച്ചു. ഇതോടെ രാജ്യത്ത് എയര്‍ടെല്‍ 5ജി പ്ലസ് സേവനം ലഭിക്കുന്ന നഗരങ്ങളുടെ എണ്ണം 500 ആയി. എയര്‍ടെല്‍ നെറ്റ്‌വര്‍ക്ക് വ്യാപനം തുടരുന്നതിനാല്‍ കാശ്മീരിലെ വടക്കന്‍ നഗരം മുതല്‍ കന്യാകുമാരിയുടെ തെക്കെ അറ്റം വരെ എല്ലാ പ്രധാന നഗരങ്ങളിലും എയര്‍ടെല്‍ 5ജി പ്ലസ് ഇപ്പോള് ലഭ്യമാണ്.
ലോകത്തിലെ ഏറ്റവും വിപുലമായ സ്വീകാര്യതയുള്ള സാങ്കേതിക വിദ്യയിലാണ് എയർടെൽ 5ജി പ്ലസ് പ്രവര്‍ത്തിക്കുന്നത്, കൂടാതെ ഇന്ത്യയിലെ എല്ലാ 5ജി സ്മാര്ട്ട്ഫോണുകളും എയര്‍ടെല്‍ നെറ്റ്‌വര്‍ക്കില്‍ തടസമില്ലാതെ പ്രവര്‍ത്തിക്കുന്നുവെന്ന് ഇത് ഉറപ്പാക്കുന്നു. ഇന്നത്തേതിനേക്കാള്‍ 20 മുതല്‍ 30 മടങ്ങ് വരെ ഉയര്‍ന്ന വേഗതയും മികച്ച ശബ്ദ മികവും സൂപ്പര്‍ ഫാസ്റ്റ് കോള്കണക്ഷനുമുണ്ട്. എയര്‍ടെല്‍ 5ജി പ്ലസ് നെറ്റ്‌വര്‍ക്കിന്‍റെ പരിസ്ഥിതി സൗഹൃദമായ കുറഞ്ഞ ഊര്‍ജ ഉപയോഗക്ഷമത എന്നിങ്ങനെ മൂന്ന് ആകര്‍ഷകമായ ഗുണങ്ങളാണ് എയര്‍ടെല്‍ 5ജി പ്ലസിനുള്ളത്.
എയര്‍ടെല്‍ 5ജി പ്ലസ് നെറ്റ്‌വര്‍ക്ക് ഉപയോഗം പ്രോത്സാഹിപ്പിക്കുന്നതിന് കമ്പനി ഉപയോക്താക്കള്‍ക്ക് പരിധിയില്ലാത്ത 5ജി ഡേറ്റയും അവതരിപ്പിച്ചു. നിലവിലുള്ള എല്ലാ പ്ലാനുകളിലുടനീളമുള്ള ഡേറ്റ ഉപയോഗത്തിന്റെ പരിധി കമ്പനി നീക്കം ചെയ്യുന്നതിനാല്‍ ഉപയോക്താക്കള്‍ക്ക് ഡേറ്റ ലഭ്യതയെക്കുറിച്ച് ആശങ്കയില്ലാതെ അള്‍ട്രാ ഫാസ്റ്റ് 5ജി സേവനങ്ങള്‍ ഉപയോഗിക്കാന് കഴിയും.
