ന്യൂഡൽഹി: പുതിയ ലോഗോ അവതരിപ്പിച്ച് ഭാരത് സഞ്ചാർ നിഗം ലിമിറ്റഡ്(ബിഎസ്എൻഎൽ). കണക്റ്റിങ് ഇന്ത്യ എന്ന വാക്യം മാറ്റി പകരം കണക്റ്റിങ് ഭാരത് എന്നാക്കി മാറ്റിയിട്ടുണ്ട്. ത്രിവർണപതാകയുടെ നിറങ്ങളാണ് പുതിയ ലോഗോയിലുള്ളത്. ഉള്ളിൽ ഇന്ത്യയുടെ മാപ്പും നൽകിയിട്ടുണ്ട്. രാജ്യം മുഴുവൻ 4 ജി സേവനം ആരംഭിക്കുന്നതിന് മുന്നോടിയായാണ് ലോഗോ മാറ്റിയിരിക്കുന്നത്.
ഡൽഹിയിലെ ബിഎസ്എൻഎൽ ആസ്ഥാനത്ത് നടന്ന ചടങ്ങിൽ ടെലികോം മന്ത്രി ജ്യോതിരാദിത്യ സിന്ധ്യയാണ് ലോഗോ അനാച്ഛാദനം ചെയ്തത്. സ്പാം ബ്ലോക്കിങ് അടക്കം 7 പുതിയ സേവനങ്ങളും ലോഞ്ച് ചെയ്തിട്ടുണ്ട്.
വൈഫൈ റോമിങ് സർവീസ്, ഫൈബർ അധിഷ്ഠിത ഇന്‍റ്രാനെറ്റ് ടിവി, സിംഎടിഎം, ഡി2ഡി സർവീസ്, ദുരന്തമേഖലയിലെ സേവനം, സി-ഡാകുമായുള്ള പങ്കാളിത്തം എന്നിവയാണ് പുതുതായി അവതരിപ്പിച്ചിരിക്കുന്നത്.
