മെറ്റ അവരുടെ പുതിയ മൈക്രോബ്ലോഗിങ് പ്ലാറ്റ്‌ഫോം "ത്രെഡ്‌സ്' അവതരിപ്പിച്ചതിന് പിന്നാലെ സോഷ്യൽ മിഡീയയിൽ കൗതുകകരമായ പോര്. ത്രെഡ്‌സിനൊപ്പം ചർച്ചയാണ് ത്രെഡ്സിന്റെ ലോഗോയും.
ആ ലോഗയ്‌ക്ക് മലയാളം, തമിഴ് ലിപികളുമായി സാമ്യമുണ്ടെന്നാണ് കണ്ടെത്തൽ. ലോഗോയ്‌ക്ക് മലയാളത്തിന്‍റെ "ത്ര'യും "ക്ര'യുമായി ബന്ധമുണ്ടെന്നാണ് മലയാളികളുടെ കണ്ടെത്തൽ. എന്നാൽ തമിഴിലെ "കു' പോലെയുണ്ടെന്നാണ് തമിഴരുടെ വാദം.
എന്തായാലും ത്രെഡ്സിന് "ത്ര'എന്ന പഴയ ലിപിയിലെ മലയാള അക്ഷരവുമായാണ് ഏറെ സാമ്യമെന്ന് ഏവരും സമ്മതിക്കും. അതാണ് ഏറെ യോജിക്കുന്നതും..!
