ന്യൂഡൽഹി: ഈ വർഷം നടക്കുന്ന ഏഷ്യാ കപ്പും ഏകദിന ലോകകപ്പും ക്രിക്കറ്റ് ആരാധകർക്ക് ഹോട്ട്സ്റ്റാറിൽ സൗജന്യമായി കാണാം. ലോകകപ്പ് ഫുട്ബോളും ഐപിഎല്ലും ജിയോ സിനിമയിൽ സൗജന്യമായി സ്ട്രീം ചെയ്‌തതിന് പിന്നാലെയാണ് ഹോട്ട്സ്റ്റാറിൻ്റെ പുതിയ നീക്കം.
ഇന്ത്യയിൽ കൂടുതൽ മൊബൈൽ ഉപഭോക്താക്കളിലേക്ക് ഹോട്ട്സ്റ്റാർ എത്തിക്കുക എന്ന ലക്ഷ്യത്തോടെയാണ് സൗജന്യ സ്‌ട്രീമിംഗ്‌ ചെയ്യുന്നതെന്നും ക്രിക്കറ്റ് കൂടുതൽ ജനാധിപത്യപരമാക്കുന്നതിനാണ് തീരുമാനം എടുത്തതെന്നും ഹോട്ട്സ്റ്റാർ പറഞ്ഞു.
അതേസമയം സൗജന്യമായി സ്ട്രീം ചെയ്ത് സബ്സ്ക്രൈബേഴ്സിനെ കൂട്ടിയ ജിയോ സിനിമ ചരിത്രത്തിലെ ഏറ്റവും വലിയ വ്യൂവർഷിപ്പ് എന്ന റെക്കോർഡും ഈ സീസണിൽ ജിയോ സിനിമ നേടി.
